नवीन लेखन...

तो….

जातो छापील अभ्यासक्रमाच्या बाहेर
काळजी घेतो ” मानसिक ” आरोग्याची
हळुवार शब्दांनी फुलवतो मने
विकासाच्या फुलांना गंध देतो

त्याला आयुधं लागत नाही –
वन्ही पेटवायला !
तो अनादी आहे- अनंत आहे
त्याच्यावाचून जग शक्य नाही

तो कधी सांदीपनी होतो ,
कधी चाणक्य
तर कधी अब्दुल कलाम
आई तर तो कायम असतोच

पण वडिलपणही अबोलपणे निभावतो
” त्यांच्या” यशाने तो प्रफुल्लित होतो
पण अपयशाने खचून जात नाही
त्याच्या कार्याला निराशा, औदासिन्य
इत्यादींची परवानगी नसते.

“त्यांच्या ” मधून तो स्वतःसारखे
काहीजण तयार करतो –
परंपरेचा प्रवाह सुरु ठेवण्यासाठी
त्याला सेवानिवृत्ती नसते
आणि वेळ काळाचे बंधनही

पद -प्रतिष्ठा, नावलौकिक , पारितोषिके
त्याच्या लेखी नगण्य
त्याची झाडे बहरत असतात डौलाने
पिढ्यान पिढ्या

एवढी नोंद त्याला पुरते
जगातल्या प्रत्येकाला
त्याची गरज असते.

तो ” विशेष नाम ” नसतो,
नसतो एखादा व्यवसाय
तो काळावर नाममुद्रा रेखाटून
चिरंजीव होतो पाना पानांवर
तो असतो – शिक्षक
” गुरु ” पदाचे
समाजातील दृश्य रूप !!

— डॉ. नितीन हनुमंत देशपांडे 

डॉ. नितीन हनुमंत देशपांडे
About डॉ. नितीन हनुमंत देशपांडे 378 Articles
शिक्षणाने अभियंता, व्यवसायाने व्यवस्थापन सल्लागार, आवडीने लेखक ! माझी आजवर अकरा पुस्तके ( ८ मराठीत, २ इंग्रजीत आणि १ हिंदीत) प्रकाशित झालेली आहेत. आणखी चार पुस्तकांवर काम सुरु आहे. सध्या दोन मराठी वृत्तपत्रात साप्ताहिक सदर लेखन सुरु आहे. कथाकथन,काव्यवाचन, वक्तृत्व आणि वादविवाद स्पर्धांमध्ये राज्यपातळीवर सहभाग आणि पारितोषिके !

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

रायगडमधली कलिंगडं

महाराष्ट्रात आणि विशेषतः कोकणामध्ये भात पिकाच्या कापणीनंतर जेथे हमखास पाण्याची ...

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

Loading…

error: या साईटवरील लेख कॉपी-पेस्ट करता येत नाहीत..