श्री अन्नपूर्णाष्टकम् – १

नित्यानन्दकरी वराभयकरी सौन्दर्यरत्नाकरी निर्धूताखिलघोरपावनकरी प्रत्यक्षमाहेश्वरी ।
प्रालेयाचलवंशपावनकरी काशीपुराधीश्वरी
भिक्षां देहि कृपावलम्बनकरी मातान्नपूर्णेश्वरी ॥१॥

आई जगदंबेचे अत्यंत दिव्य स्वरूप म्हणजे श्री अन्नपूर्णा. भगवान महाकाल विश्वनाथ आपल्या क्षुधाशांतीसाठी आई जगदंबे च्या समोर भिक्षेकरी रूपात उभे राहतात. ती काशीपूर निवासिनी त्यांना भिक्षा देते. भगवान जगद्गुरु आदी शंकराचार्य महाराज या स्तोत्रात त्या अन्नपूर्णेचे स्तवन करीत आहेत.

नित्यानन्दकरी – आई अन्नपूर्णेच्या कृपेने माणसाच्या जीवनात नित्य आनंद निर्माण होत असतो. क्षुधापूर्ती हा रोजच्या जीवनातील सगळ्यात मोठा आनंद. आई तो रोज प्रदान करते. वराभयकरी – भक्तांना वर आणि अभय प्रदान करणारी अशी ती आहे. सौन्दर्यरत्नाकरी- रत्नाकर म्हणजे समुद्र. सागरात अनेक रत्न सापडतात. अपार सौंदर्याचा जणु सागर असणाऱ्या आई जगदंबे ला सौन्दर्यरत्नाकरी असे म्हणतात.

निर्धूताखिलघोरपावनकरी- अखिल म्हणजे सर्व प्रकारचे तर घोर म्हणजे पाप, अपकृत्य. त्यांना निर्धूत म्हणजे पूर्णपणे धुवून टाकणे. अशा यांच्या सर्व पापांना, दुःखांना धुवून टाकून, पूर्णपणे काढून टाकून, जी त्यांना परमपावन करते ती निर्धूताखिलघोरपावनकरी.
प्रत्यक्ष माहेश्वरी- साक्षात त्रैलोक्य स्वामिनी असणारी.

प्रालेयाचलवंशपावनकरी- प्रालेयाचल म्हणजे हिमालय. त्याच्या घरी अवतार धारण केल्यामुळे जिने त्याचा वंश पवित्र केला आहे अशी.

काशीपुराधीश्वरी- काशी नगरीची सम्राज्ञी.

भिक्षां देहि कृपावलम्बनकरी मातान्नपूर्णेश्वरी- सकल कृपेचा आधार असणाऱ्या हे आई अन्नपूर्णे मला भक्ती, ज्ञान आणि वैराग्याची भिक्षा प्रदान कर.

— प्रा. स्वानंद गजानन पुंड 

प्रा. स्वानंद गजानन पुंड
About प्रा. स्वानंद गजानन पुंड 240 Articles
लोकमान्य टिळक महाविद्यालय वणी म्हणजे येथे संस्कृत विभाग प्रमुख रूपात कार्यरत. २१ ग्रंथात्मक श्रीगणेशोपासना ग्रंथमालेची लिम्का बुक ऑफ रिकार्ड मध्ये विक्रम रूपात नोंद. श्रीमुद्गलपुराण कथारूप आणि विश्लेषण ही ९ खंड १७०० वर पृष्ठांची ग्रंथमालिका. विविध धार्मिक ,शैक्षणिक, सामाजिक संस्थांमधून २१०० वर प्रवचन, व्याख्याने

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

महाराष्ट्रातील खनिजसंपत्ती

महाराष्ट्रात दगडी कोळशाव्यतिरिक्त मॅंगनीज आणि लोह खनिज बर्‍याच प्रमाणात आढळते ...

Loading…

error: या साईटवरील लेख कॉपी-पेस्ट करता येत नाहीत..