नवीन लेखन...

समर्थ – स्वामी राज माऊली-

 

सैर भैर जीवनां या, गोडी नामाची लागली ।
मनां भावली, तेजोमयी, स्वामी राज माऊली ।।
मनां भावली, तेजोमयी, स्वामी राज माऊली ।।धृ।।

नितळ कांती, कमला परी, दिसे मुलायम ।
नेत्र द्वयींचे, तेज अलौकिक ते लोभसवाणे ।।
वैभवशाली, कानीं कुंडले, करीती चमचम ।
हृदयामध्ये ते ठसले रुप, माऊलीचे गोजिरवाणे ।।
तयांच्या आंस भेटीची, हुरहुर मनां लागली ।
मनां भावली, तेजोमयी, स्वामी राज माऊली ।।१।।

तुझिया नामारंगी, तन हे डोले, ब्रम्हानंदे ।
आजानुबाहू, मूर्तितव, सुहस्य वदनीं ।।
काया वाचा मन हे, तुझ्याच नामीं गुंतले ।
भान हरपुनि, तल्लीन मी मनोमनीं ।।
स्वानंदांतुनि, अवघी जीवन गाथा गंधित झाली ।
मनां भावली, तेजोमयी, स्वामी राज माऊली ।।२।।

गंध विलेपन शोभे, विशाल भाळावस्ती ।
अगाध लीलां मधुनि, प्रकटे तव अपार माया ।।
चित्तां मोहवी, कंठा मधाली, तवरुद्र माळा ।
ध्यान लागले, एक चित्ते, तव चरणांवरती ।।
नामस्मरणें, दंगुनि काया, मोदे रंगुनि गेली ।
मनां भावली, तेजोमयी, स्वामी राज माऊली ।।३।।

“नकोस भिऊ तूं” सदैव ऐसे म्हणुनि ।
भक्तांसाठी अपुल्या, उभा तूं, सदा ठाकसी ।।
दांभिकता परी, नच जराही खपवुनि घेशी ।
सत्य रक्षिण्या, सत्या संगे सदैव असशी ।।
मनांस “गुरुदासा” न कळे, होऊ कसे उतराई ।
मनां भावली, तेजोमयी, स्वामी राज माऊली ।।४।।

— सुरेश वासुदेव नाईक उर्फ गुरुदास

Avatar
About सुरेश वासुदेव नाईक उर्फ गुरुदास 43 Articles
श्री. सुरेश नाईक हे एक उत्तम कवी आणि प्रवासवर्णनकार आहेत. त्यांनी अनेक प्रवासवर्णने पद्यस्वरुपात लिहिली आहेत. ते “गुरुदास” या टोपणनावानेही लेखन करतात. भारतीय नौकानयन महामंडळातून निवृत्त अधिकारी. मराठी / हिंदी / इंग्रजी भाषांचा व्यासंग. काव्य गायनाचे/काव्य वाचनाचे शेकडो कार्यक्रम केले आहेत.

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

रायगडमधली कलिंगडं

महाराष्ट्रात आणि विशेषतः कोकणामध्ये भात पिकाच्या कापणीनंतर जेथे हमखास पाण्याची ...

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

Loading…

error: या साईटवरील लेख कॉपी-पेस्ट करता येत नाहीत..