नवीन लेखन...

आनंद छंदी

वागण्यातुनि जरी, नित भासलो मी छंदीफंदी ।
जोपासुनि छंद अवघे, बहरलो जंगी मुक्तछंदी ।।
तसा, बहरलो जगीं मुक्तछंदी ।।धृ।।

चालतांना मार्गी, नाही बाळगले शल्य कसले ।
क्षमतेतुनि आगळ्या, धारणाच होती तशी मनाची ।।
वाटचालींतुनि निर्भय भय मानसीचे सारे पळाले ।
घेऊनि कौल अंतरीचा, धरिली कांस निश्चयाची ।।
मनोबलांतुनि आहे मी, माझ्याच विचारांचा बंदी ।
जोपासुनि छंद अवघे, बहरलो जगीं मुक्तछंदी।।
तसा, बहरलो जगीं मुक्तछंदी।।१।।

भोगूनि सोशिले, क्षण लीलया, सारेच झेलले ।
पकड होती, अंतरीं पक्की, सार्‍या सदभावनांची ।।
लाभले मजसीजे, सारेचिते, मधु-गोड मानिले ।
न लाभले जे, खंत नव्हती, ते सारे निसटण्याची ।।
बेफिकीरीतुनि नि:संकोच, विहरलो स्वच्छंदी ।
जोपासुनि छंद अवघे, बहरलो जगीं मुक्तछंदी ।।
तसा हरलो जगीं मुक्तछंदी ।।२।।

नव्हती कधी, मनांस रुखरुख रुढी बंधनांची ।
विचार शीलतेतुनि, तयां लीलया दिली दिली तिलांजली ।।
अकारण, कदाऽपि न केली, चिंता भविष्याची ।
साकारले जीवन, जाणूनि शक्ती, मनगटांतली ।।
न राहिलो कधी, चाकोरी बद्ध, जीवनाचा बंदी ।
जोपासुनि छंद अवघे, बहरलो जगीं मुक्त छंदी ।।
तसा, बहरलो जगीं मुक्तछंदी ।।३।।

दर्दभर्‍या जीवनास, दिली सदा सुखाची सावली ।
होऊनि नतमस्तक, मजवरी झाली कृपा ईशाची ।।
दु:खास सार्‍या, झालर संतोषाची, नित लावली ।
निरंतर लाभली मज, मोहरलो मी, आनंदी कंदी ।
जोपासुनि छंद अवघे, बहरलो जगीं मुक्त छंदी ।।
तसा बहरलो जगीं मुक्त छंदी ।।४।।

-गुरुदास / सुरेश नाईक
१५ डिसेंबर २०११, गुरुवारपुणे – ३०
“सुमनांजली” या काव्यसंग्रहातून…

— सुरेश वासुदेव नाईक उर्फ गुरुदास

Avatar
About सुरेश वासुदेव नाईक उर्फ गुरुदास 43 Articles
श्री. सुरेश नाईक हे एक उत्तम कवी आणि प्रवासवर्णनकार आहेत. त्यांनी अनेक प्रवासवर्णने पद्यस्वरुपात लिहिली आहेत. ते “गुरुदास” या टोपणनावानेही लेखन करतात. भारतीय नौकानयन महामंडळातून निवृत्त अधिकारी. मराठी / हिंदी / इंग्रजी भाषांचा व्यासंग. काव्य गायनाचे/काव्य वाचनाचे शेकडो कार्यक्रम केले आहेत.

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

महाराष्ट्रातील खनिजसंपत्ती

महाराष्ट्रात दगडी कोळशाव्यतिरिक्त मॅंगनीज आणि लोह खनिज बर्‍याच प्रमाणात आढळते ...

Loading…

error: या साईटवरील लेख कॉपी-पेस्ट करता येत नाहीत..