समजेना मज उमजेना ! राहू कशी तुम्हाविना

माझे यजमान “अरुण साधू” ह्यांना जाऊन दोन वर्ष होत आहेत. २५ सप्टेंबरला ह्यांचा दुसरा स्मृतीदिन. दिवस,वर्ष सरतात, पण क्षणाक्षणाला त्यांची आठवण येते आणि माझे मन व्याकुळ होऊन जाते. ह्या व्याकुळतेतून सुचलेली ही कविता…..

— अरुणा साधू (मुंबई)


समजेना मज उमजेना ! राहू कशी तुम्हाविना ,
कशी समजावू माझ्या मना.!!

ग्रंथांच्या पानातून !चपखल त्या शब्दातून ,
जरी असती तव अस्तीत्वाच्या खाणाखुणा ,
शोधित बसते पुन्हा पुन्हा !मन माझे मानेना ,
कशी समजावू माझ्या मना. !!

शब्दप्रभू तुम्ही, शब्दांच्या सामर्थ्यातून ,
समृद्ध झाले अपूले जीवन ,
आठवणींनी व्याकुळते मन ,
शोधू कुठे हा खजिना ! कळेना,आकळेना ,
कशी समजावू माझ्या मना!!

अबोल झाले शब्द ही सारे
अबोल जाहली प्रीत आपूली !
जपते मम हृदयी प्रीतीचा खजिना
आसवेच देती साथ माझिया मना!
कळेना, कशी समजावू माझ्या मना!!

— अरुणा साधू (मुंबई)

Avatar
About `आम्ही साहित्यिक' फेसबुक ग्रुपवरील लेखक 51 Articles
आम्ही साहित्यिक या फेसग्रुप ग्रुपवरुन आलेले लिखाण. हा ग्रुप मराठीसृष्टीने बनवला आहे व त्यावरील निवडक साहित्य मराठीसृष्टीवर प्रकाशित केले जाते. मराठीतील हा एक लोकप्रिय आणि दर्जेदार साहित्यविषयक ग्रुप आहे.

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

महाराष्ट्रातील खनिजसंपत्ती

महाराष्ट्रात दगडी कोळशाव्यतिरिक्त मॅंगनीज आणि लोह खनिज बर्‍याच प्रमाणात आढळते ...

Loading…