नवीन लेखन...

इंद्रधनु

वळणा मागुनि राजस वळणे टाकित मागे,
हलके फुलके घेऊनि वळसे मार्गावरती,
कैफात वेगळ्या अन् धुंदित आगळ्या,
कधी न कळले, आलो केव्हां एकसष्ठीच्या वळणावरती ।
आलो केव्हां एकसष्ठीच्या वळणावरती ।।धृ।।

किती करावे अन् काय करावे, उत्साहाला उधाण आले,
सुर-तालांची पडतां गांठ, जीणे अवघे लयींत जगले ।
नाद-ब्रम्हीं टाळी लागतां, नसा-नसांत भिनले गाणे,
सुर-लयींच्या तालावरती, धुंद गायनीं हे आयु सजले ।।
कैफात वेगळ्या अन् धुंदीत आगळ्या,
कधी न कळले, आलो केव्हां एकसष्ठीच्या वळणावरती ।।१।।

नित्य नवा ध्यास उरीं, ज्ञान-संपदा कवेंत होण्याचा,
जगा वेगळा, छंद आगळा ध्यास सदा नित नाविन्याचा ।
जिद्दी परी हट्टही मोठा, नूतन सारे, सगळे शिकण्याचा,
वाटचाल ही स्वच्छंदी, सिंहापरी, यज्ञांत वाटा पत्नीचा ।।
कैफात वेगळ्या अन् धुंदीत आगळ्या,
कधी न कळले, आलो केव्हां एकसष्ठीच्या वळणावरती ।।२।।

आंस मनीं, अहंकार अन् ईर्षा, दूर दूर सारण्याची,
वाटचाल चुस्त-मस्त, म्हणूनि लाभली, स्वानंदाची ।
सान बाळा परी, मनीं सदैव, नित ओढ नाविन्याची,
लीन राहुनि ईशाचरणी, खाण गवसली सौख्याची ।।
कैफात वेगळ्या अन् धुंदीत आगळ्या,
कधी न कळले, आलो केव्हां एकसष्ठीच्या वळणावरती ।।३।।

नव्हते ठावूक नटणे, ज्ञाततयां नवनवीन जपणे,
ध्येयावरती नजर ठेवुनि, अविरत यनी सदैव झटणे,
रंग-रंगले, नाना ढंगी, असे इंद्रधनुहे सुरेल देखणे ।।
कैफात वेगळ्या अन् धुंदीत आगळ्या,
कधी न कळले, आलो केव्हां एकसष्ठीच्या वळणावरती ।।४।।

-गुरुदास / सुरेश नाईक
सप्टेंबर २३, २००५२, विश्वकर्मा, पुण्यनगरी

— सुरेश वासुदेव नाईक उर्फ गुरुदास

Avatar
About सुरेश वासुदेव नाईक उर्फ गुरुदास 43 Articles
श्री. सुरेश नाईक हे एक उत्तम कवी आणि प्रवासवर्णनकार आहेत. त्यांनी अनेक प्रवासवर्णने पद्यस्वरुपात लिहिली आहेत. ते “गुरुदास” या टोपणनावानेही लेखन करतात. भारतीय नौकानयन महामंडळातून निवृत्त अधिकारी. मराठी / हिंदी / इंग्रजी भाषांचा व्यासंग. काव्य गायनाचे/काव्य वाचनाचे शेकडो कार्यक्रम केले आहेत.

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

रायगडमधली कलिंगडं

महाराष्ट्रात आणि विशेषतः कोकणामध्ये भात पिकाच्या कापणीनंतर जेथे हमखास पाण्याची ...

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

Loading…

error: या साईटवरील लेख कॉपी-पेस्ट करता येत नाहीत..