(काव्य) : प्राउड टु बी अॅन् इंडियन (?)

(न्यू यॉर्कमध्ये ‘इंडिया डे’ साजरा झाला, त्यानिमित्तानें )

‘आय् अॅम् प्राउड टु बी अॅन् इंडियन !
कम ऑऽन, से द सेऽम इव्हरीवन्’ . १

आमचा शेजारी-देश आमचा घास गिळतो
आणि नंतर आम्हालाच छळतो
आम्हाला कळतंय् त्याचं तंत्र
पण जपतोय् ना आम्ही ‘अहिंसेचा मंत्र’ !
अहो, कुणाला कशी द्यायची उत्तरं
हें आधी ठरवा तर खरं
अन् मग करा त्याचं निष्ठेनं पालन.
Of Course, आय् अॅम् प्राउड टु बी अॅन् इंडियन ! २

गर्भातच मुलींचा पडतोय् खून
पण पोलीस काय करतायत् तें बघून ?
विनयभंग, बलात्कार यांचा सुळसुळाट
आयाबहिणींचे तळतळाट
अन् मीडियातील बातम्यांचा कलकलाट.
रोजरोज नवनव्या बातम्या कळतात
अधिकारी फक्त नक्राश्रूच ढाळतात.
कुठं गेलं आमचं संवेदनाशील मन ?
But, आय् अॅम् प्राउड टु बी अॅन् इंडियन ! ३

जातपातींची दरी अजून जात नाहीं
वायफळ बडबडीशिवाय करत नाहीं कुणी कांहीं
धडपडतायत सारे दाखवायला, ‘मी SC, ST’,
पण जातभाईंच्या क्लेशांनी होतात त्यांतले कितीक कष्टी ?
आतां तर OBC ना सुद्धा हवं आहे आरक्षण.
Oh Yes ! आय् अॅम् प्राउड टु बी अॅन् इंडियन ! ४

किती क्षेत्रांत देशाची झाली आहे प्रगती ?
जिंकणार कशा ‘अडथळ्यांच्या शर्यती’ ?
एक पुढे गेला की इतर ओढतात पाय
हवी आहे सार्‍यांनाच, फक्त ‘दुधावरची साय’
इतरांचा विचार करायचं अजिबात नाहीं कारण.
कारण, आय् अॅम् प्राउड टु बी अॅन् इंडियन ! ५

परदेशात ‘इंडिया डे’ साजरा होतोय्
मात्र इथला शेतकरी राबतोय् अन् मरतोय्
पाऊस नाहीं, पाणी नाहीं, नाहीं वीज, नाहीं पीक
आतां स्वत:लाच विक
किंवा फास लावून घे
नंतर आक्रोशायला तयारच आहेत ‘बघे’
खेड्यांमधे, शहरांतही
असंच जीवन इतरांचंही.
आभाळच फाटतंय्, ठिगळ कसलं !
सारं सारं आयुषष्यऽच नासलं
इथें सूर्य उगवत नाहीं
‘अंधारा’च्या फासात जगवत नाहीं
सुटका होईल, जर येईल मरण .
तरीपऽण, आय् अॅम् प्राउड टु बी अॅन् इंडियन ! ६

अधोगतीच्या हळहळीचा उपयोग काय ?
करयंय् कां कुणी Long Term उपाय ?
कसचं काय नि कसचं काय !
जें काहीं होतंय्, तें पुरणार कां ?
सगळे असेऽच मरणार कां ?
शेवटी सरकार हरणार कां ?
याचा विचार करतायत कितीजण ?
फक्त म्हणतायत, ‘आय् अॅम् प्राउड टु बी अॅन् इंडियन’ ! ७

उत्तराचा नाहीं पत्ता, फक्त प्रश्न प्रश्न प्रश्नऽ
प्रश्न राहूं द्या तसेच, आपण मनवूं या ‘जश्न’
ढोल-ताशे बडवून
तिरंगा वर चढवून
साजरा करूं ‘इंडिया डे’
अरे, रोज मरे त्याला कोण रडें ?
नागडें असूं द्या शतसहस्त्र तन
क्लेशांत बुडूं द्या ‘आहत’ जनगण,
या, जोषानें गर्जू आपण –
‘आय् अॅम् प्राउड टु बी अॅन् इंडियन !’ ८

बट् , अॅम् आय् ? ९
– – –
(२२.०८.१६).
– सुभाष स. नाईक. Subhash S. Naik
सांताक्रुझ (प), मुंबई. Santacruz (W), Mumbai.
Ph-Res-(022)-26105365. M – 9869002126. eMail : vistainfin@yahoo.co.in
Website : www.subhashsnaik.com / www.snehalatanaik.com

सुभाष नाईक
About सुभाष नाईक 282 Articles
४४ वर्षांहून अधिक अनुभव असलेले सीनियर-कॉर्पोरेट-मॅनेजर (आतां रिटायर्ड). गेली बरीच वर्षें हिंदी/हिंदुस्थानी, मराठी व इंग्रजी या भाषांमध्ये गद्य-पद्य लिखाण करत आहेत. त्यांची ९ पुस्तकें प्रसिद्ध झाली आहेत. पैकी ६ ‘पर्यावरण व प्रदूषण’ या विषयावरील इंग्रजी न हिंदी कवितांची पुस्तकें आहेत. दोन पुस्तकें , ‘रामरक्षा’ व ‘गणपति-अथर्वशीर्ष’ या संस्कृत स्तोत्रांची मराठी पद्यभाषांतरें आहेत. अन्य एक पुस्तक ‘मृत्यू आणि गत-सुहृद ’ हा विषयाशी संल्लग्न बहुभाषिक काव्याचें आहे. गदिमा यांच्या ‘गीत रामायणा’चें हिंदीत भाषांतर. बच्चन यांच्या ‘मधुशालचें मराठीत भाषांतर केलेलें आहे व तें नियतकालिकात सीरियलाइझ झालेलं आहे. टीव्ही वर एका हिंदी सिट-कॉम चें स्क्रिप्ट व अन्य एका हिंदी सीरियलमधील गीतें व काव्य लिहिलेलें आहे. कत्थक च्या एका कार्यक्रमासाठी निवेदनाचें हिंदी स्किप्ट लिहिलें आहे. अनेक मराठी व हिंदी पब्लिकेशब्समध्ये गद्य-पद्य लेखन प्रसिद्ध झालें आहे, जसें की, महाराष्ट्र टाइम्स, लोकसत्ता, सत्यकथा, स्वराज्य, केसरी, नवल, धर्मभास्कर, धर्मयुग, धर्मभास्कर, साहित्य अकादेमी चें हिंदी जर्नल ‘समकालीन भारतीत साहित्य’ , मराठी अकादेमी बडोदा चॅप्टर चें मराठी जर्नल ‘संवाद’, तसेंच प्रोफेशनल सोसायटीचें इंग्रजी जर्नल यांत लेखन प्रसिद्ध झालेलें आहे.मराठी , हिंदी व इंग्लिश वेबसाईटस् वर नियमित गद्य-पद्य लेखन. कांहीं ई-बुक सुद्धा प्रसिद्ध.
Contact: Website

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

महाराष्ट्रातील खनिजसंपत्ती

महाराष्ट्रात दगडी कोळशाव्यतिरिक्त मॅंगनीज आणि लोह खनिज बर्‍याच प्रमाणात आढळते ...

Loading…