नवीन लेखन...

प्राथमिक शिक्षण मातृभाषेतून होणं आवश्यक आहे.

पूर्व प्राथमिक आणि प्राथमिक शिक्षण मातृभाषेतून होणं कायद्याने अनिवार्य करणं आवश्यक आहे.

काल-परवाच एक व्हीडीओ पाहिला. एका लहान मुलीला तिची आई हवीय. तिला भुकही लागलीय. पण ती ज्या शाळा नामक पिंजऱ्यात आहे, त्या पिंजऱ्याची टिचर नामक रिंगमास्टर तिला इंग्रजीतून प्रश्न विचारतेय. ती लहान मुलगी अगदी असहाय होऊन रडतेय, तर ती रिंगमास्टर तिला दम देऊन हसायला सांगतेय. काळीज पिळवटून जाणं काय असतं, ते हा व्हीडीओ पाहून कळतं आणि मनाचा संताप संताप होतो.

अरे कुठे चाललोत आपण? त्या बारक्या जीवाला त्याच्या भाषेतून व्यक्त व्हायलाही बंदी का घालतोय. किती ते इंग्रजीच्या नादाला लागायचं? आपल्यावर असे अत्याचार का होतायत, ते त्या निरागस मुलांना कळत नसणार, परंतू त्यांच्या नतद्रष्ट पालकांनाही (खरं तर कसायांना) आपण आपल्याच जीवाच्या तुकड्यांवर अत्याचार (मला बलात्कार असं म्हणायचंय खरं म्हणजे) करतोय हे कळत का नाही हे मला तरी समजण्याच्या पलिकडचं आहे..जाऊ दे, यावर बोलावं तिककं कमी आहे, सारेच कोडगे होऊन आपलीच माती, संस्कृती रसातळाला पोहोचवू इच्छीतायत, त्याला कोण काय करणार. आपल्याला गुलामच जन्माला घालायचेत असं आपणच ठरवलं, तर कोणी काहीच करू शकत नाही, आपण आपल्याच विनाशाला कारणीभूत ठरतोय..

ज्यांना माझ्याप्रमाणेच वाटतं, की मुलांना पूर्व प्राथमिक आणि प्राथमिक शिक्षण त्यांच्या मातृभाषेतून मिळणं हा त्या मुलांचा अधिकार आहे, त्या सर्व पालकांनी मा. मुख्यमंत्री, मा. पंतप्रधान आणि मा. राष्ट्रपती यांना तशी विनंती करणारी जास्तीत जास्त पत्र आपापल्या मातृभाषेत पाठवावीत. त्यासाठी घटना दुरुस्ती करावी लागली तरी करा म्हणावं, पण मुलांना त्यांच्या भाषेत शिकण्याचा हक्क कायद्याने मिळवून द्या, अशी त्या पत्रात आग्रहाने केलेली मागणी असावी. कुत्र्या-मांजरांच्या हक्कांसाठी भांडणारे आपण, आपल्याच पिलांसाठी का भांडत नाही?

आपल्या पैसे कमावण्यातून काही वेळ काढा आणि असं पत्र लिहा ही कळकळीची विनंती. देश वाचावायचा असेल तर हे लगेच करणं गरजेचं आहे. परदेशातही आपल्या राष्ट्रभाषेत बोलणारे आपले पंतप्रधान कदाचित आपल्या अशा मागणीचीच वाट पाहात असतील, ती करा, तसा कायदा पंतप्रधान नक्की करतील. हल्लीच त्यांनी नेदरलॅन्डमधे केलेलं भाषण ऐकल्यावर, त्यांना हा धोका जाणवतोय असं स्पष्ट समजतंय. त्यांना तसा कायदा करायचाही असेल, तर त्यांच्यमागे जनमताचा भक्कम आधार असला पाहीजे.

मग लिहीताय ना तसं पत्र?
मुलांसाठी पूर्व प्राथमिक आणि प्राथमिक शिक्षण मातृभाषेतून अनिवार्य होण्याचा कायदा करण्याचा..

मा. मोदींचं भाषण या लिंकवर पाहाता/ऐकता येईल.

https://www.youtube.com/watch?v=MF6MMHVc3Dg&sns=em

 

— नितीन साळुंखे
9321811091

नितीन अनंत साळुंखे  उर्फ गणेश
About नितीन अनंत साळुंखे  उर्फ गणेश 377 Articles
श्री नितीन साळुंखे (मित्रपरिवारात गणेश या नावाने परिचित) हे मुळचे सिंधुदुर्ग जिल्ह्यातील वैभववाडी तालुक्यातील खांबाळे या गावचे. सध्या मुक्काम मुंबईत. वाचन, लेखनाची अत्यंत आवड. स्वत:चा ७०० हून जास्त पुस्तकांचा संग्रह. इतिहास, भाषा,शब्दांचा जन्म, देव, धर्म, संस्कृती, प्रथा, परंपरा यांचा अर्थ काय व त्या कशा अस्तित्वात आल्या याचा शोध घेण्याची विशेष आवड. लहानपणापासून संघ स्वयंसेवक व संघविचारांशी एकनिष्ठ. पुणे येथील संघप्रणित सर्वात मोठ्या अशा जनता सहकारी बॅंकेतील प्रदिर्घ नोकरीनंतर त्यांचे मित्र आणि आमदार प्रमोद जठार यांच्याबरोबर काम करण्यासाठी त्यांनी २००७ मध्ये नोकरी सोडली. त्याचबरोबर मित्राबरोबर मुंबईत बांधकाम व्यवसायात पदार्पण. २०-२२ वर्षांचा ज्योतिष शास्त्राचा अभ्यास असल्यामुळे परिचितांमध्ये एक उत्तम ज्योतिषी म्हणून ओळख. सर्व थरातील मित्र. त्यातही बहुतकरून लेखक, कविंचा, कलाकारांचा जास्त भरणा.

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

रायगडमधली कलिंगडं

महाराष्ट्रात आणि विशेषतः कोकणामध्ये भात पिकाच्या कापणीनंतर जेथे हमखास पाण्याची ...

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

Loading…

error: या साईटवरील लेख कॉपी-पेस्ट करता येत नाहीत..