नवीन लेखन...

माझी “थकत” चाललेली माणुसकी !

काल सकाळी खूप दिवसांनी मित्रांबरोबर डेक्कनला गप्पा मारायचे ठरले होते. पाऊस, ड्राइविंगचा कंटाळा आणि कोरोना मिश्रित गर्दी, म्हणून सुरक्षित रिक्षाने निघालो. लकडी पुलाजवळ सिग्नलला रिक्षा थांबली. ७-८ वर्षांचा एक मुलगा सोनचाफ्याची पुडी घेऊन आला.

मला वाटलं तो आता गळ घालणार. पण त्याच्या वाक्याने मी अचंबित झालो.
” ओ, छत्री द्या नं ! ”
” काय?”
“छत्री पाहीजे.”
मी आणि रिक्षावाला बघत राहिलो.
“अरे, मग मला नको कां ? ”
” तुम्ही तर रिक्षात बसलाय. तुम्हाला कशाला हवी? पावसात मी भिजतोय.”

त्याचं हे औद्धत्य जन्मजात होते की कोरोनाजन्य, मला टोटल लागेना. लॉजिक लेकिन सही था !

आयुष्यात इतकी प्रदीर्घ चाललेली, आऊट ऑफ सिलॅबस असलेली ही प्रश्नपत्रिका पहिल्यांदाच वाट्याला आलीय.
वाढत्या वयाबरोबर माझी माणुसकीही थकत चालली आहे बहुधा !

मागणाऱ्यांचे हात आणि माझी दुबळी झोळी !

त्या विनोद मेहेराचं काय जातंय पियानोवर म्हणायला-
” मैंने हसने का वादा किया था कभी
इसलिये अब सदा मुस्कुराता हूँ मैं ! ”
खिशात हात घालून त्याला पाच रुपये दिले आणि चाफाही घेतला नाही त्याच्याकडून.

सिग्नल सुटला आणि रिक्षा निघाली.

तासभर मित्रांबरोबर चाललेल्या गप्पा ” के दिल अभी भरा नहीं ” या टप्प्यावर सोडून घरी निघालो.

लकडी पुलाजवळ तो दिसला तर देण्यासाठी अजून दहा रुपये हातात ठेवले.

तो नव्हता.

बहुधा छत्री विकत आणायला गेला असावा.

— डॉ. नितीन हनुमंत देशपांडे

डॉ. नितीन हनुमंत देशपांडे
About डॉ. नितीन हनुमंत देशपांडे 142 Articles
शिक्षणाने अभियंता, व्यवसायाने व्यवस्थापन सल्लागार, आवडीने लेखक ! माझी आजवर नऊ पुस्तके ( ६ मराठीत, २ इंग्रजीत आणि १ हिंदीत) प्रकाशित झालेली आहेत. आणखी चार पुस्तकांवर काम सुरु आहे. सध्या दोन मराठी वृत्तपत्रात साप्ताहिक सदर लेखन सुरु आहे. कथाकथन,काव्यवाचन, वक्तृत्व आणि वादविवाद स्पर्धांमध्ये राज्यपातळीवर सहभाग आणि पारितोषिके !

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

रायगडमधली कलिंगडं

महाराष्ट्रात आणि विशेषतः कोकणामध्ये भात पिकाच्या कापणीनंतर जेथे हमखास पाण्याची ...

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

Loading…

error: या साईटवरील लेख कॉपी-पेस्ट करता येत नाहीत..