नवीन लेखन...

माहीत आहे

माहीत आहे,
तू आभाळाएवढा,
असीम अथांग अपार,
तुझ्या कार्यकर्तृत्वाला,
खरंच नाही सुमार,–!!!

माहीत आहे,
तू विस्तीर्ण सागरासारखा,
प्रचंड उफाळत उसळत
भरतीची वेळ येता,
बेपर्वा बेलगाम बेदरकार,–!!!

माहीत आहे,
तू शांत झऱ्यासारखा,
कलंदर, मितभाषी राहत
आपल्याच धुंदीत राहणारा
फक्त झुळुझुळू वाहत–!!!

माहीत आहे,
तू अजस्त्र ढगासारखा सगळीकडेच विचरत,
संकटात कोणी असता,
निरपेक्ष हात देत,–!!!

माहीत आहे,
तू एखाद्या वटवृक्षासारखा,
स्वतः उन्हामध्ये तापत,
इतरांची सावली होणारा,
थंडी वारे पावसात,–!!!

माहीत आहे,
तू टेकडीसारखा,
संकटांशी सतत झुंजत,
वाऱ्यावादळांतही कायम उभा रात्रंदिन तिन्हीत्रिकाळांत,–!!!

माहीत आहे,
तू भणभणत्या ज्योतीसारखा, स्वतः अगदी जळत जळत,
इतरांना उजेड देणारा,
मश्गुल आत्मसमर्पणांत,

माहीत आहे,
तू घोंघावणाऱ्या वादळांसारखा, सर्वांना भेदरून टाकत ,
सगळ्यांना थरकापवणारा,
फक्त आपुले काम करत,–!!!

हिमगौरी कर्वे.©

Avatar
About हिमगौरी कर्वे 320 Articles
मी मराठी भाषेची शिक्षिका असून मला काव्यलेखनाची खूप आवड आहे. माझा ज्योतिषाचा छंद असून मी व्यावसायिक ज्योतिषीही आहे. अमराठी लोकांना मराठी शिकवणे असे खास काम करत असते. त्यामध्ये अनेक विद्यार्थी इंग्रजी माध्यमातील असतात. बाहेरच्या राज्यातून येणारे अमराठी लोक शिकतात. क्वचित प्रसंगी परदेशी लोकही शिकतात. मला वाचनाची खूप आवड आहे. मी एक *काव्यप्रेमी* बाई आहे.

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

रायगडमधली कलिंगडं

महाराष्ट्रात आणि विशेषतः कोकणामध्ये भात पिकाच्या कापणीनंतर जेथे हमखास पाण्याची ...

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

Loading…

error: या साईटवरील लेख कॉपी-पेस्ट करता येत नाहीत..