नवीन लेखन...

जाहल्या काही चुका…..

१९७९-८० सालं असावं .त्याकाळी सांगली आकाशवाणीवर रात्री दहा वाजता “माझी आवड ” असा कार्यक्रम लागत असे. २-३ आवडती गाणी आणि त्यावर ती कां आवडतात असे भाष्य सादरकर्ते करीत असतं.

एके दिवशी माझ्या एका कवियित्री -मैत्रिणीने (ती तोपर्यंत माझी पत्नी झालेली नव्हती.) तिचा “माझी आवड ” कार्यक्रम ऐकण्याबद्दल सुचविले. कालच माझा फेसबुकवर मित्र झालेला ( आणि त्याही आधीपासूनचा जिवलग) जयंत असनारे आणि मी वालचंदवर कोठूनतरी रेडिओ पैदा करून त्यारात्री नीरव विश्रामबाग स्टेशनवर गेलो आणि कार्यक्रम लावला. इतर गाण्यांबरोबर तिने कार्यक्रमाच्या शेवटी हे गाणे ऐकविले –

जाहल्या काही चुका
अन्‌ सूर काही राहिले
तू दिलेले गीत माझे
आवडीने गायिले!

चांदण्यांच्या मोहराने
रात्र केव्हा दाटली
काजळी काळ्या ढगांनी
हाक केव्हा घातली

मी स्वरांच्या लोचनांनी
विश्व सारे पाहिले !!१!!

सौख्य माझे, दु:ख माझे
सर्व माझ्या भावना
मोर स्वप्नांचे निळे अन्‌
विंधणाऱ्या वेदना
मी असे गीतांतुनी
सर्वस्व माझे वाहिले !!२!!

संपता पूजा स्वरांची
हात तू देशील का ?
दाटुनी काळोख येता
तू घरी नेशील का ?

पूर्णतेसाठीच या मी
सर्व काही साहिले !!३!!

एक अत्यंत नितांत सुंदर भावना शब्दबद्ध करणं हे खूपच अवघड काम पण पाडगावकरांनी ते लीलया पार पाडले. खळेंसारख्या श्रेष्ठ संगीतकाराने आपल्या चालीने आणि संगीताने त्यात आणखी गहिरे रंग भरले.

आणि लताने ती आर्तता, लीनता, अत्यंत संयमित, संतुलित आणि शांत स्निग्ध स्वरात परीपक्वपणे मांडली. या गाण्यातील शब्दाशब्दांचे विवेचन आमच्या मैत्रिणीने तितक्याच तोलामोलाने सिद्ध केले -अभिनिवेश न आणता !

खूपवेळा ऐकलेलं हे आवडीचं गीत त्यारात्री आम्हांला नव्याने समजलं. विश्रामबाग स्टेशनचा शांत परिसर भरजरी झाला आणि आम्ही कायमचे श्रीमंत ! कोणाकोणाचे आभार मानायचे ? आम्ही आमच्या समृद्ध नशिबाचे आभार मानले.

आज कोणीतरी WA वर हे गाणं पाठविलं आणि नकळत भूतकाळ जिवंत करून गेलं.

— डॉ. नितीन हनुमंत देशपांडे

 

डॉ. नितीन हनुमंत देशपांडे
About डॉ. नितीन हनुमंत देशपांडे 378 Articles
शिक्षणाने अभियंता, व्यवसायाने व्यवस्थापन सल्लागार, आवडीने लेखक ! माझी आजवर अकरा पुस्तके ( ८ मराठीत, २ इंग्रजीत आणि १ हिंदीत) प्रकाशित झालेली आहेत. आणखी चार पुस्तकांवर काम सुरु आहे. सध्या दोन मराठी वृत्तपत्रात साप्ताहिक सदर लेखन सुरु आहे. कथाकथन,काव्यवाचन, वक्तृत्व आणि वादविवाद स्पर्धांमध्ये राज्यपातळीवर सहभाग आणि पारितोषिके !

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

रायगडमधली कलिंगडं

महाराष्ट्रात आणि विशेषतः कोकणामध्ये भात पिकाच्या कापणीनंतर जेथे हमखास पाण्याची ...

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

Loading…

error: या साईटवरील लेख कॉपी-पेस्ट करता येत नाहीत..