नवीन लेखन...

हिंदोळा – मित्र चमूंचा

दिवस तुमचे आले हे आतां,
बाळांनो,
दिवस तुमचे आले हे आतां, ।
झोपाळ्यावरी झुलायचे ।।
अन्
झुलतां झुलतां, स्मृतींना सार्‍या स्मरायचे ।।धृ।।

बाल्य बाळांचे सरले सारे ठाणे या ग्रामीं ।
शोधिल्या सार्‍या, संधीसुवर्ण, तेथेही नामी ।।
वाणीनं लाघवी ऽ सकलां जवळ केले ।
साथींत तयांच्या मनीं चांदणं फुले ।।
दिन दु:खाचे ते सरले आतां,
आले क्षण हसत खेळत जगायचे ।।१।।

करुनि आटा नि पिटा सार्‍या जिवाचा ।
मार्ग शोधिला कष्टुनि चिर सौख्याचा ।।
“मंगल” मांगल्य या जीवनीं लाभतां ।
अमंगल ते, सारे दूर दूर सरतां ।।
हृदयीं शल्य न कसले आतां,
घेऊनि घटिका आल्या क्षण हर्षाचे ।।२।।

विचारपूस सदा सार्‍यांची करुनि ।
मदतीसाठी दिसा नि राती तत्पर धांवुनि ।।
सकलां ते अपुले अपुल्या घरचे वाटले ।
हृदय मंदिरीं हिरे हे, कोंदणीं ठसले ।।
मार्ग श्रमांचा तो सरला आतां,
दिन हे आलेत, हलकेच खिदळायचे ।।३।।

मित्र-चमुंनी गंध गुलाब फुलविले ।
आप्त-स्वकीय तोषिले मनीं अतुल परिमळे ।।
लाभो बाळां या, आयु शतका शतकांचे ।
बोल ठरतिल खरे, या दासगुचे ।।
काळ काळा, बाळांनो, सरला आतां,
उरले दिन, सौख्य-सागरीं डुंबायचे ।।४।।

-गुरुदास / सुरेश नाईक

२० डिसेंबर २००९
ठाणे

— सुरेश वासुदेव नाईक उर्फ गुरुदास

Avatar
About सुरेश वासुदेव नाईक उर्फ गुरुदास 43 Articles
श्री. सुरेश नाईक हे एक उत्तम कवी आणि प्रवासवर्णनकार आहेत. त्यांनी अनेक प्रवासवर्णने पद्यस्वरुपात लिहिली आहेत. ते “गुरुदास” या टोपणनावानेही लेखन करतात. भारतीय नौकानयन महामंडळातून निवृत्त अधिकारी. मराठी / हिंदी / इंग्रजी भाषांचा व्यासंग. काव्य गायनाचे/काव्य वाचनाचे शेकडो कार्यक्रम केले आहेत.

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

रायगडमधली कलिंगडं

महाराष्ट्रात आणि विशेषतः कोकणामध्ये भात पिकाच्या कापणीनंतर जेथे हमखास पाण्याची ...

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

Loading…

error: या साईटवरील लेख कॉपी-पेस्ट करता येत नाहीत..