चाहूल

सोन पावलीं घरी येणार पाहुणा नवा,
आतां येणार पाहुणा नवा,
बाई, येणार पाहुणा नवा ।
काय करु मी अन् कसे करु
काही मला, सुचेचि ना,
बाई काही मला, सुचेचि ना ।।धृ।।

किती दिसांचे स्वप्न मनींचे,
आंस मनींची, लई दिसांची ।
चिंता उगाच, होते खेळ मनाचे,
जाणीव झाली, मज भगवंताची ।।
घेऊनि घटिका आली सुरेलसा गोडवा ।।१।।

हवीत मजला, झणी चिंचा बोरे,
भरले अंगात, पिसाट वारे ।
गोड खाऊ किआंबट, कळेविना,
काय खावे हे मज उमजेविना ।।
चंचल मनींचा, सरला सारा रुसवा ।।२।।

डोहाळ्यांचे मनीं डोंब उसळले,
सारेचि मजसि पुसू लागले ।
मनीं संतोषाचे सजले इमले,
हृदयी संगीत बहरुनि आले ।।
घुमू लागला, अंतरी आनंदी पारवा ।।३।।

— सुरेश वासुदेव नाईक उर्फ गुरुदास

Avatar
About सुरेश वासुदेव नाईक उर्फ गुरुदास 43 Articles
श्री. सुरेश नाईक हे एक उत्तम कवी आणि प्रवासवर्णनकार आहेत. त्यांनी अनेक प्रवासवर्णने पद्यस्वरुपात लिहिली आहेत. ते “गुरुदास” या टोपणनावानेही लेखन करतात. भारतीय नौकानयन महामंडळातून निवृत्त अधिकारी. मराठी / हिंदी / इंग्रजी भाषांचा व्यासंग. काव्य गायनाचे/काव्य वाचनाचे शेकडो कार्यक्रम केले आहेत.

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

महाराष्ट्रातील खनिजसंपत्ती

महाराष्ट्रात दगडी कोळशाव्यतिरिक्त मॅंगनीज आणि लोह खनिज बर्‍याच प्रमाणात आढळते ...

Loading…