नवीन लेखन...

गाळलेल्या जागा

कितीही सोडवली आयुष्याची प्रश्नपत्रिका …
तरी भरायच्या राहतातच……. काही “”गाळलेल्या”” जागा

कितीही आठवायचा प्रयत्न केला तरीही …
कायम धूसर असतातच …… काही “”ढगाळलेल्या”” जागा

विसरून जाव्याश्या वाटत असल्या तरीही..
पाठ न सोडणाऱ्या असतातच…… काही “”डागाळलेल्या”” जागा

कधीच निसटून जाऊ नये म्हणून …
घट्ट मुठीत जखडून ठेवलेल्या असतातच ….. काही “”चूरगळलेल्या”” जागा

आपल्या आपल्या वाटत असताना….
डोळ्यादेखत दूर गेलेल्या असतातच ….. काही “”घरंगळलेल्या”” जागा

कितीही उसनं अवसान आणलं तरीही…
न टाळता येणाऱ्या असतातच …… काही “”मरगळलेल्या”” जागा

सर्वकाही अवतीभवती असूनसुद्धा …
अपूर्णत्वाची खंत वाटणाऱ्या असतातच …… काही “”बारगळलेल्या”” जागा

कधीकधी संधी समोर असूनही ….
जाणूनबुजून अंतर ठेवलेल्या असतातच …… काही “”वगळलेल्या”” जागा

दिवसेंदिवस गतिमान होत असलो तरीही….
पावलांचा वेग मंदावणाऱ्या असतातच ………. काही “”रेंगाळलेल्या”” जागा

कितीही सोडवली आयुष्याची प्रश्नपत्रिका
तरी भरायच्या राहतातच……. काही “”गाळलेल्या”” जागा

— क्षितिज दाते.

ठाणे.

Avatar
About क्षितिज दाते , ठाणे 56 Articles
केवळ एक हौस म्हणून लिखाण सुरू केलं . वेगवेगळ्या विषयांवर पण साध्या सोप्या भाषेत लेखन . आकाशवाणीवरील कार्यक्रमात काही लेखांचं प्रसारण झालं आहे .काही लेख/कथा पॉडकास्ट स्वरूपात देखील प्रसारित झाल्या आहेत . Snovel या वेबसाईट / App वर "सहज सुचलं म्हणून" या शीर्षकाखाली तुम्ही ते पॉडकास्ट ऐकू शकता.

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

रायगडमधली कलिंगडं

महाराष्ट्रात आणि विशेषतः कोकणामध्ये भात पिकाच्या कापणीनंतर जेथे हमखास पाण्याची ...

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

Loading…

error: या साईटवरील लेख कॉपी-पेस्ट करता येत नाहीत..