स्पर्शाने बघ तुझ्या पडतो

स्पर्शाने बघ तुझ्या पडतो,
रिमझिम रिमझिम सडां,–
मनात बहर खूप फुलतो,
त्यावरती रोमांच खडा,–!!!

जवळ तू अगदी येता,
मनमोगरा उमलतो,
तन-मन गंधित होता,
प्रणय- सडा पडतो,–!!!

कवेत तुझ्या शिरता,
प्रेमधून कोण वाजवतो,
त्यात भान हरपतां,
दुनियेचा रंग बदलतो,–!!!

कानात बोल मधुर घुमता,
वाटे प्रीतशब्द बोलतो,
शेवटी निवडून धरा,
मदनच खाली उतरतो,–!!!

कोमलांगी तू चारुलता,
मनात मी गांगरतो,
आवेगाचे तीर साऱ्या,
अंगोपांगी झेलतो,–!!!

मर्द पुरुष मी रांगडा,
तुझ्या बाहुत विसावतो,
धुंद आपुल्या प्रणया,
शृंगाराचा साज असतो,–!!!

जोडीला रती-मदनाच्या,
अंधार सामील होतो,
विसर पडे विश्वाचा,
पहाटेचा प्रहर उगवतो,–!!!

हिमगौरी कर्वे ©

Avatar
About हिमगौरी कर्वे 143 Articles
मी मराठी भाषेची शिक्षिका असून मला काव्यलेखनाची खूप आवड आहे. माझा ज्योतिषाचा छंद असून मी व्यावसायिक ज्योतिषीही आहे. अमराठी लोकांना मराठी शिकवणे असे खास काम करत असते. त्यामध्ये अनेक विद्यार्थी इंग्रजी माध्यमातील असतात. बाहेरच्या राज्यातून येणारे अमराठी लोक शिकतात. क्वचित प्रसंगी परदेशी लोकही शिकतात. मला वाचनाची खूप आवड आहे. मी एक *काव्यप्रेमी* बाई आहे.

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

महाराष्ट्रातील खनिजसंपत्ती

महाराष्ट्रात दगडी कोळशाव्यतिरिक्त मॅंगनीज आणि लोह खनिज बर्‍याच प्रमाणात आढळते ...

Loading…