नवीन लेखन...

शाश्वताच्या दालनात पाऊल !

मी या जगातून एक दिवस ठरवून लुप्त होईन
जंगलात एकाकी भटकण्यासाठी
तुझे जीवनगाणे गाण्यासाठी
त्या गाण्यात माझे तुझ्यावरचे छुपे प्रेम असेल,
त्यातील माझे मधुर शब्द
सतत प्रवास करतील तुझ्या दिशेने
मध्यरात्री तेजस्वी पूर्ण चंद्र
त्याचे सौंदर्य उधळीत असेल तेव्हा
मूक विस्मय नक्कीच उमटेल तुझ्या चेहेऱ्यावर
मग गुरुदेवा तुझ्या उपस्थितीत,
माझी कृतज्ञता हळू हळू प्रकट होवो .
मी स्वत: ला अर्पण करतो
पूर्णतः तुझ्या चरणांवर
नैसर्गिक संवेदनांशी जोडून घेतलेला
माझा श्वासोच्छश्वास
आकाशातील रात्रीच्या गूढ शांततेत
बासरीचा लयबद्ध सूर होऊन तुझ्या कानी येईल
या अज्ञात प्रवासाची सत्वर घोषणा कर !
चंद्राची सुवर्ण किरणे
गडद काळोखात सभोवती लपेटून घेऊन
प्रतीक्षेत असलेल्या जंगलात मी मग प्रवेश करेन
अनंत काळापासून या क्षणाच्या प्रतीक्षेत मी आहे
तुझ्या कृपेच्या झळाळीत माझ्या मर्यादा विरून जाऊ देत आणि
आकाशा पल्याडच्या असीमित आनंदाचा मला नवा अनुभव घेऊ दे
त्या अथांग वैश्विक अवकाशाचा
साधेपणा आणि विनम्रता स्तिमित करणारा आहे
सर्व प्रश्न मला तुझ्या चरणी विसर्जित करू देत .
माझा अहंकार, माझे दु: ख, माझ्या चिंता यांचा मला विसर पडो !
माझ्या सर्व आकांक्षा गळून जावोत
आणि
तुझ्या प्रेमळ सान्निध्यात माझे अस्तित्व परिमळो !!

— डॉ. नितीन हनुमंत देशपांडे

डॉ. नितीन हनुमंत देशपांडे
About डॉ. नितीन हनुमंत देशपांडे 110 Articles
शिक्षणाने अभियंता, व्यवसायाने व्यवस्थापन सल्लागार, आवडीने लेखक ! माझी आजवर नऊ पुस्तके ( ६ मराठीत, २ इंग्रजीत आणि १ हिंदीत) प्रकाशित झालेली आहेत. आणखी चार पुस्तकांवर काम सुरु आहे. सध्या दोन मराठी वृत्तपत्रात साप्ताहिक सदर लेखन सुरु आहे. कथाकथन,काव्यवाचन, वक्तृत्व आणि वादविवाद स्पर्धांमध्ये राज्यपातळीवर सहभाग आणि पारितोषिके !

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

रायगडमधली कलिंगडं

महाराष्ट्रात आणि विशेषतः कोकणामध्ये भात पिकाच्या कापणीनंतर जेथे हमखास पाण्याची ...

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

Loading…

error: या साईटवरील लेख कॉपी-पेस्ट करता येत नाहीत..