पंढरीच्या विठुराया

पंढरीच्या विठुराया,
आता उचल झडकरी,
काय ठेविले या दुनियेत,
वाट बघ मृत्यूची पाही,–!!!

चिंता, काळज्या, ताण,
जीवन का घेरलेले,
दिसत नाही कुठेही,
सुखाचे आभाळ भरलेले,–!!!

कोण म्हणतो मृत्यु भयानक,
तो तर हरीचा दूत असे,
समस्या आणि अडचणी,
यातून मुक्ती देत असे,–!!!

मज मोक्ष नको, स्वर्ग नको,
हवी आहे सुटका फक्त,
जिवाचा पक्षी अडकला,
उघड पिंजरा कर रिक्त,–!!!

जगण्याचा हेतू काय ,
जो आला तो गेला,
कष्ट, यातना, भोग, दुःखे,
यातून पुढे सुटून गेला,–!!!

ताणतणावांचा मारा,
अजून किती झेलायचा,
अंधारात चाचपडत जीव,
अजूंन किती घुसमटायचा,–!!!

स्वार्थ, अहम, सत्ता, पैसा ,
किती शत्रु अवतीभोवती,
सांभाळू कसे सगळे,
सोडवेल मुक्ती शेवटी,–!!!

जात पात धर्म वंश,
यातच समाज लडबडलेला,
आम्हीच श्रेष्ठ म्हणत,
संकुचित कातडे ओढलेला,–!!!

जिथे तिथे फसवणूक,
मोह अन् आकर्षणे,
फुटकळ गोष्टींची आज,
वाटती कशी भूषणे,–!!!

नीतिमत्ता, तत्वे, खरेपण ,
सारे गेले आहे कुठे ,
सगळीकडे केवळ दिसे जगण्यातील फोलपण–!

आज काल उद्याही,
कसे इथे रमायचे,
सांग या पोकळ दुनियेत,
मी जगायचे तरी कसे,–!

हिमगौरी कर्वे©



Avatar
About हिमगौरी कर्वे 107 Articles
मी मराठी भाषेची शिक्षिका असून मला काव्यलेखनाची खूप आवड आहे. माझा ज्योतिषाचा छंद असून मी व्यावसायिक ज्योतिषीही आहे. अमराठी लोकांना मराठी शिकवणे असे खास काम करत असते. त्यामध्ये अनेक विद्यार्थी इंग्रजी माध्यमातील असतात. बाहेरच्या राज्यातून येणारे अमराठी लोक शिकतात. क्वचित प्रसंगी परदेशी लोकही शिकतात. मला वाचनाची खूप आवड आहे. मी एक *काव्यप्रेमी* बाई आहे.

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

महाराष्ट्रातील खनिजसंपत्ती

महाराष्ट्रात दगडी कोळशाव्यतिरिक्त मॅंगनीज आणि लोह खनिज बर्‍याच प्रमाणात आढळते ...

Loading…