केसरी हिंदोळा

दिवस अपुले आले हे आतां
दिवस अपुले आले हे आतां,
केसरी सवें,
झोपाळ्यावरी झुलायचे ।
अन्
झुलतां झुलतां, स्मृतींना सार्‍या स्मरायचे ।।धृ।।

बाल्य बाळांचे सरले पुणे-मुंबई ग्रामीं ।
शोधिल्या सार्‍या, संधी सुवर्ण, तेथेही नामी ।।
वनीनं लाघवी ऽ सकलां जवळ केले ।
साथींत तयांच्या मनीं चांदणं फुले ।।
दिन दु:खाचे ते सरले आतां,
आले क्षण हसत खेळत जगायचे ।।१।।

करुनि आटा नि पिटा सार्‍या जिवाचा ।
मार्ग दाविला कष्टुनि चिर सौख्याचा ।।
“केसरी” मांगल्य या जीवनीं लाभती ।
अमंगल ते, सारे दूर दूर सरतां ।।
हृदयी शल्य न कसले आतां,
घेऊनि, घटिका आला क्षण हर्षाचे ।।२।।

विचारपूस सदा सार्‍यांची करुनि ।
मदतीसाठी दिसा नि राती तत्पर धांवुनि ।।
सकलां “केसरी” अपुल्या घरचे वाटले ।
हृदय-मंदिरीं हिरे, हे कोंदणी ठसले ।।
मार्ग श्रमांचा, तो सरला आता
दिन आलेत हे हलके खिदळायचे ।।३।।

केसरी-चमूंनी गंध गुलाब फुलविले ।
सारे स्वकीय तोषिले मनीं अतुल परिमळे ।।
लाभो “केसरी” बाळां, आयु शतका शतकांचे ।
बोल ठरतिल खरे, या दासगुरुचे ।।
काळ काळा अवघा सरला आतां,
उरले दिन, “केसरी” रंगांत रंगायचे ।।४।।

-गुरुदास / सुरेश नाईक
१४ एप्रिल २०१० ते २ मे २०१०
युरो-यात्रा – E-3

— सुरेश वासुदेव नाईक उर्फ गुरुदास

Avatar
About सुरेश वासुदेव नाईक उर्फ गुरुदास 43 Articles
श्री. सुरेश नाईक हे एक उत्तम कवी आणि प्रवासवर्णनकार आहेत. त्यांनी अनेक प्रवासवर्णने पद्यस्वरुपात लिहिली आहेत. ते “गुरुदास” या टोपणनावानेही लेखन करतात. भारतीय नौकानयन महामंडळातून निवृत्त अधिकारी. मराठी / हिंदी / इंग्रजी भाषांचा व्यासंग. काव्य गायनाचे/काव्य वाचनाचे शेकडो कार्यक्रम केले आहेत.

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

महाराष्ट्रातील खनिजसंपत्ती

महाराष्ट्रात दगडी कोळशाव्यतिरिक्त मॅंगनीज आणि लोह खनिज बर्‍याच प्रमाणात आढळते ...

Loading…