नवीन लेखन...

कावळा

तो असतो बसलेला नेहमी कुणाच्या-
ग्रिलच्या दांडीवर कर्कश्श ओरडत,
एखाद्या भिकाऱ्यासारखा पोटाला मागत.
पितृपक्ष वजा केला तर –
त्याला फक्त झिडकारणीच मिळते.
गरिबाला कुठे असते आवड निवड ?
त्याच्या नशिबी नेहमीच हड हड.
तसं बिचाऱ्याला काहीही चालते ,
पाव ,गाठ्या,शेवापासून उकिरड्यापर्यंत-
नकारघंटा अगदी कशालाच नसते.
नाक मुरडणं, तोंड फिरवणं काही नाही,
कौतुकाने त्याला काहीच ठेवत नाही कुणीही.
कर्कश्श भिकाष्टक अगदी असह्य होतं,
तेव्हा कुठे वैतागून ठेवलेलं समोर येतं.
Etiquettes, manners भिकाऱ्याला कुठले?
चिमणी, कबुतरासारखे नेमके चोचीने टिपले.
संशयाने दबकत टुणटुणत तो अन्नाकडे येतो,
भीतीने त्यातलं अर्ध, लवंडून ठेवतो.
थोडसच लागतं चोचीला काही,
उगीच शिवाशिव होईल म्हणून उडून जायची घाई.
इतरांसारखा तो , गुंतत नाही कधी कुणात,
काळं तोंड घेऊन, उडून जातो एका क्षणात.
उंच फांदीवर जाऊन बहुधा,घर ठेवतो लक्षात,
ताटकळवायच की नाही घराला?,येत्या पितृपक्षात.
प्रसादिक म्हणे,
— प्रसाद कुळकर्णी.

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

रायगडमधली कलिंगडं

महाराष्ट्रात आणि विशेषतः कोकणामध्ये भात पिकाच्या कापणीनंतर जेथे हमखास पाण्याची ...

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

Loading…

error: या साईटवरील लेख कॉपी-पेस्ट करता येत नाहीत..