हैदराबादहून परत मुंबई…

आम्ही जातो अमुच्या गावा .. रामराम अमुचा घ्यावा … हैदराबादहून परत मुंबई

काल शनिवार म्हणजे २२ जून हा आमचा हैदराबादमधला शेवटचा दिवस होता …

जवळ जवळ पावणे तीन वर्षाच्या नंतर आम्ही हैदराबादला रामराम केला . .. आणि संध्याकाळी मुंबईला प्रस्थान केलं… शुक्रवार आणि शनिवार फार जड गेले … शनिवारी सकाळी तर फारच …. गाडीतून जुने शहर … चारमिनार .. अफझलगंज … कराची बेकरी … हिमायत नगर … हुसेन सागर असा एक मोठा फेरफटका मारला … सगळं डोळ्यात भरून घेतलं … मन फार जड झालं … डोळ्यांच्या कडा ओलावल्या …

गेल्या पावणे तीन वर्षांचे हे सुंदर ऋणानुबंध … मनात अनेक घटना गोष्टींची गर्दी झाली … पूर्व घाटाच्या इथल्या डोंगररांगेत चालत केलेली भटकंती … त्यावरचे गोवळकोंडा … भोंगीर … बिदर .. रचाकोंडा … मेडक असे अनेक किल्ले …वारांगलच्या भद्रकाली देवीचा आशीर्वाद …. श्रीशैलम … यागंटी .. यादगिरी गुट्टा … श्री अहोबिलमचे स्वामी नृसिंह … आलमपूरची जोगुळंबा …. मंत्रालय …. हिंदूंपुर-लेपाक्षी …. गोवळकोंडा इथल्या इब्राहिम बागेतला दर्गा … बिदर… पेनुगोंडा इथला जागृत दर्गा ….मेडकचं चर्च … . अगदी इथल्या दक्खनच्या पठारावरचे बंगीनापल्ली … रसालू हे मधुर आंबे … अमृतासारखी गोड सीताफळं … लाल पेरू … वाटोळी साखरेसारखी गोड द्राक्ष … इथल्या ताज्या पालेभाज्या …कराचीची शुद्ध शाकाहारी बिस्किटं … पुल्ला रेडडीचा जिभेवर ठेवताक्षणी विरघळणारा शुद्ध तुपातला म्हेसूर हलवा …

इथले अनेक जीवाभावाचे मित्र …. किती किती गोष्टी आहेत … ज्या कधीही विसरू शकत नाही …. जरी मुंबईला येण्याची खूप ओढ होती तरी इथून निघताना मात्र पाय आणि मन जड झालं … या सगळ्या आठवणी डोळ्यात गोळा झाल्या…

शेवटी संध्याकाळी विमानाने मुंबईकरता निघालो … आम्ही जातो अमुच्या गावा .. रामराम अमुचा घ्यावा … विमान उंच गेल्यावर या भूमीला परत एकदा डोळे भरून बघितलं …….

खूप लिहिलंय मी पण अजून कित्येक गोष्टी आहेत .. ज्या लिहायच्या आहेत … लिहेन हळूहळू …

(कोलाजमधला मुख्य फोटो फोटोवरून काढलाय .. )

— प्रकाश पिटकर

प्रकाश पिटकर
About प्रकाश पिटकर 36 Articles
मी आय.डी.बी.आय. बँकेत गेली ३४ वर्ष नोकरी करतोय. सध्या AGM म्हणून हैदराबाद इथे पोस्टेड आहे. मला ट्रेकिंग, फोटोग्राफी, प्रवास, दूरवरचे स्वतः वाहन चालवत प्रवास, वाचन अशा आवडी आहेत. मी गेली सतरा वर्ष महाराष्ट्र टाइम्सचा फ्री लान्स कॉलमनिस्ट आहे. माझे आता पर्यंत सहज दोन हजाराच्यावर लेख प्रसिद्ध झाले आहेत. मी मुख्यतः ठाण्याचा रहिवासी आहे. प्रवास वर्णन, व्यक्ती-संस्था चित्र, ऐतिहासिक वास्तू, निसर्गातले अनेक विषय.

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

महाराष्ट्रातील खनिजसंपत्ती

महाराष्ट्रात दगडी कोळशाव्यतिरिक्त मॅंगनीज आणि लोह खनिज बर्‍याच प्रमाणात आढळते ...

Loading…