दिवेलागण

तू सदा फिरस्ता .
मी एकाच जागी एकाच चक्रात अडकलेली .
पण कुठेही असलास तरी सकाळी मेसेज आणि दिवसभरात एक तरी फोन न चुकता करणारा तू .
मी नवीन काहीही लिहिले तरी सगळ्यात पहिल्यांदा तुलाच वाचून दाखवणे .
आधी whatsapp आणि मग दिवसभरातला voice call .
कारण तुला skype download करायचा कंटाळा .
” जमलय ” अशी तुझी दिलखुलास दाद . . .
आणि मग तू प्रत्यक्षात म्हणायच्या आधीच माझ्या काना – मनात घुमनार तुझे वाक्य . . . जवळ असतीस तर . . . ”
हे वाक्य नाही रे पाठ सोडत . . .
. . . . . . . . .

थांब . माझे हे समरसलेपण तेंव्हा दुबळपण ठरवले गेले .
” प्लीज़ . . . ”
” आज तू हळवी झाली आहेस म्हणून शिळी सावली ओढू नकोस . कवितेचे निमित्त नको . उत्सुक बाहुन्चा माझा मांडव आजही सजलेलाच आहे . ”
” मला त्याबाबत शंका नाही . ”
” कॉलरच टोक अजूनही ओल आहे . आणि बटणपट्टीत महिरप . ”
” महिरप काय ? ”
” त्याला गुंतवळ म्हणण्या इतका अरसिक मी तेन्व्हाही नव्हतो ; आणि आजही नाही . ”
” खरं आहे रे .  नकळत आता मी . . . . ”
” कशानी नर्वस झाली आहेस आज ? ”
” खूप आठवण येते आहे . . . मी असं वाचून दाखवले की तू म्हणायचास . . . . जितके चांगले लिहितेस , तितके चांगले वाचूनही दाखव ना ! ! ! ”
” कारण त्याशिवाय ती मजा येत नाही ना ”
” हो . पण मला नाही ना जमत ते . मग प्रत्यक्ष भेट झाली की तूंच ते छान म्हणून दाखवायचास . . ”
” त्यावर तुझे ठरलेले वाक्य . . . तू ना अभिवाचन करायला छान माणूस आहेस . ”
” आणि तुझे ठरलेले उत्तर . . . मी कोणीही लिहिलेले असॆ वाचत नाही आणि सगळ्यांसाठी तर नाहीच नाही ”
” हं ”
” आणि या उत्तराने माझे तुला बिलगण . . तुला आवडलेल्या वाक्यान्ची उजळणी . . . त्यावेळी घट्ट होत गेलेली तुझी मिठी आणि तुझ्या छातीवर माझेविसावलेले डोक आणि त्यावर टेकवलेली तुझी हनुवटी . . . आता ते सारे निव्वळ भास . ”
” भासाना अंत असतो . आणि तो आपल्या हातात असतो . ”
” नाही रे . . . हे सगळ्याच बाबतीत खरे नसत रे ” .
” मग ते भास संजीवक असतात हे मानण्यावाचून गत्यन्तर नसते . कारण प्रत्येकच तिन्हिसान्ज कातरवेळ नसते . त्यावेळेला गोरजमुहुर्त असाही शब्द आहे ग . ”
” त्यालाच दिवेलागण म्हणतात हे म्हण ना रे . . . . तुझे हे वाक्यच माझा आधार , दिलासा आहे . ”
” दिवेलागण नेहमी आधी मनात होत असते ग . . . पदर तर पेटला नाही पाहीजे आणि दिवा तर विझला नाही पाहीजे . ”
” आज तेच मन . . . ”
” strol नीट कर . . कॉलर च टोक अजूनही ओल आहे . ”
” दिवेलागण सजते आहे . शोल्दर – कट ची तुझी लाडकी बट तुला साद घालते आहे . ”
” काजळी झटक असं सांगते ग दिवेलागण ”

— चंद्रशेखर टिळक
C – 402 . राज पार्क
मढवि बंगल्या जवळ .
राजाजी पथ .
डोंबिवली ( पूर्व ) .
पिन . . . ४२१२०१ .
मोबाईल . . . . ९८२०२९२३७६ .
इमेल . . . tilakc@nsdl.co.in

 

चंद्रशेखर टिळक
About चंद्रशेखर टिळक 23 Articles
श्री. चंद्रशेखर टिळक हे अर्थतज्ज्ञ असून NSDL चे उपाध्यक्ष आहेत. गेली अनेक वर्षे ते केंद्रीय अर्थसंकल्पावर विश्लेशणात्मक व्याख्याने देत आहेत.

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

महाराष्ट्रातील खनिजसंपत्ती

महाराष्ट्रात दगडी कोळशाव्यतिरिक्त मॅंगनीज आणि लोह खनिज बर्‍याच प्रमाणात आढळते ...

Loading…