दिल खोल के छिंको यारो

आऽऽक्छू’…..एकापाठोपाठ एक- दोन- तीन अशा अगदी सलग दहा दहा शिंका येणारे कित्येकजण असतात. इतक्या शिंकांनी माणूस अगदी हैराण होऊन जातो; मात्र काही केल्या शिंका थांबत नाहीत. अशा व्यक्तींनी लक्षात ठेवण्याच्या दोन सोप्या पण महत्वाच्या गोष्टी.

१. दोन शिंकांच्या मधील अंतरात श्वास जोरात ओढला जाणे ही स्वाभाविक प्रतिक्षिप्त क्रिया असते. मात्र तसे केल्याने अधिक शिंका येतात.

२. शिंका येताना नाकाला स्पर्श करू नये. तसे केल्यानेही शिंका वाढतात.

तीव्र गंध, सर्दी यांशिवाय सूर्यप्रकाश, आय ब्रो करणे आणि शरीरसंबंध यांनंतर देखील काहींना शिंका बळावू शकतात.

आयुर्वेदाने शिंक हा ‘अधारणीय वेग’ म्हणजे अडवून ठेवू नये अशी शारीर प्रक्रिया आहे असे सांगितले आहे. त्यामुळे शिंक आल्यावर आल्यावर ती दाबून ठेवू नये. मोकळेेपणाने शिंकावे. त्याचप्रमाणे मुद्दाम शिंका काढूदेखील नयेत. याकरताच वरील उपाय सांगितले आहेत. मुद्दाम शिंका काढल्याने वात वाढतो. तपकीर ओढण्याची सवय असणाऱ्यांनी विशेष लक्ष द्यावे!

शिंकताना काही काळासाठी आपले हृदय थांबते असे काही ठिकाणी म्हटले जाते. परंतु ते सत्य नाही. हं; शिंका अडवल्यात तर मात्र नाकातला जंतूसंसर्ग कानापर्यंत पोहचू शकतो असे आधुनिक वैद्यक सांगते.

त्यामुळे दिल खोल के छिंको यारो।

(सतत शिंका येण्याची प्रवृत्ती असल्यास मात्र आपल्या वैद्यांकडून उपचार जरूर सुरु करावेत.)

 

© वैद्य परीक्षित शेवडे; MD (Ayu.)
आयुर्वेदज्ज्ञ- लेखक- व्याख्याते
।। श्रीव्यङ्कटेश आयुर्वेद ।। डोंबिवली
संपर्क: ०२५१-२८६३८३५

Jul 21, 2016



Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

p-2078-IT-policy-300

महाराष्ट्राची आयटी अनुकूल शहरे

भारतीय माहिती तंत्रज्ञान क्षेत्रातील व्यावसायिक संघटना नेस्कॉमच्या (नॅशनल असोसिएशन ऑफ ...
p-2104-muktagiri-300

श्रध्दास्थान मुक्तागिरी

विदर्भातील अमरावती जिल्हयात मुक्तागिरी हे निसर्गरम्य तसेच जैनधर्मीयांचे महत्त्वाचे धार्मिक ...
p-2060-mahalaxmin-temple-01-300

करवीरनगरी अर्थात कोल्हापूर

करवीरनगरी अर्थात कोल्हापूर जिल्ह्यास ऐतिहासिक, सांस्कृतिक, सामाजिक, शैक्षणिक वारसा लाभलेला ...
p-2090-ambejogai-city-300

अंबेजोगाई

अंबेजोगाई बीड जिल्ह्यातील एक शहर आहे. १३व्या शतकात स्वामी मुकुंदराज ...

Loading…