ब्रेड रोल

Bread Roll

पटकन होणारा आणि सगळ्यांनाच आवडणारा हा एक ब्रेडचा पदार्थ

साहित्य –

१ मोठा स्लाईस ब्रेड
अर्धा किलो बटाटे
२ वाट्या मटारचे दाणे
७ – ८ हिरव्या मिरच्या
१ इंच आलं
८ – १० पाकळ्या लसूण
४ चमचे चिरलेली कोथिंबीर
१ लिंबाचा रस
चिमुटभर खायचा सोडा
तेल
चवीपुरतं मीठ

कृती –

बटाटे उकडून सोलून मळून घ्यावे. आलं, मिरची, लसूण यांचे वाटण करावे.

मटारचे दाणे काढून एका पातेल्यात पाणी घालून त्यात चिमुटभर खायचा. सोडा घालावा. त्यात मटार घालून गॅसवर उकळत ठेवावे. ५ – ७ मिनिटांनी मटार शिजल्यावर पाणी निथळून घ्यावे. एका मोठ्या.

बाऊलमध्ये कुस्करलेले बटाटे, आलं-मिरचीचं वाटण, कोथिंबीर, शिजलेले मटार, लिंबाचा रस, चवीपुरतं मीठ घालून सर्व एकव कालवून सारण तयार करावे.

ब्रेडच्या स्लाईसच्या कडा कापून घ्याव्या. एका पसरट पातेल्यात पाणी घेऊन त्यात अर्धा चमचा मीठ घालावे. ब्रेडचा स्लाईस पाण्यात बुडवून तळहातावर दाबून त्याचे पाणी काढून टाकावे. स्लाईस हातावर ठेवून त्यावर बटाट्याच्या सारणाचा लांबट आकाराचा गोळा करून ठेवावा. वरून ब्रेडचा रोल गुंडाळून सर्व बाजूंनी दाबून बंद करावा.

कढईत तेल गरम करून हे तयार केलेले रोल गोल्डन रंगावर तळून ध्यावे. हिरवी चटणी आणि सॉस बरोबर गरम सर्व्ह करावेत.

Avatar
About सौ. निलीमा प्रधान 19 Articles
सौ. निलीमा प्रधान या खाद्यसंस्कृती, वास्तुशास्त्र आणि इतर अनेक विषयांवर लेखन करतात.

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

महाराष्ट्रातील खनिजसंपत्ती

महाराष्ट्रात दगडी कोळशाव्यतिरिक्त मॅंगनीज आणि लोह खनिज बर्‍याच प्रमाणात आढळते ...

Loading…