|| हरी ॐ ||
जगात अस्तित्व टिकविण्याच्या
स्पर्धा लागल्या आहेत,
आपलं अस्तित्व सिद्ध करण्यासाठी
दुसऱ्याचं अस्तित्व संपवू पाहात आहेत !
देवाचं अस्तित्व झुगारून,
सैतानाचं स्वीकारताहेत,
बुद्धीभेदाच्या अस्तित्वाला खरं मानून,
देवाच्या अस्तित्वाला नावं ठेवत आहेत !
धर्माच्या नावाने अस्तित्व जपण्याचा
काहींचा व्यर्थ प्रयत्न चालू आहे,
तरुणाईला प्रलोभने दाखवून
दिशाहीनतेकडे फरफटत नेले जातं आहे !
अस्तित्वाचे भूत मानगुटीवर बसले आहे
त्यापासून सुटका मिळविण्यासाठी,
निरप्राध, अनाथ, दिन-दुबळे
मारले जात आहेत !
आपलाचं अस्तित्व आपल्याला
अजून नीट कळलेलं नाही,
आपल्या आजूबाजूच्या माणसांचं
अस्तित्व आपल्याला मान्य नाही !
मग मित्रांनो
अस्तित्वाची लढाई कश्यासाठी?
वर्तमानपत्राच्या पहिल्या पानावर
झळकण्यासाठी?
नाही नाही मित्रांनो
आज खरी आवश्यकता आहे,
निस्वार्थ प्रेमाची, सच्या मैत्रीची
अकारण कारुण्याची !
अस्तित्वासाठी आपण नाही,
आपण आहोत म्हणून अस्तित्व आहे !
देवाचे अस्तित्व मान्य करू,
दुसऱ्याच्या अस्तित्वाला मान देऊ !
जगदीश पटवर्धन, दादर
