नवीन लेखन...

मी आणि चंद्र

रात्रीची आल्हाददायक झुळूक हळूच मला खुणावते आणि मी नकळत तुझ्याकडे वळते.
आणि तुझ्या शीतल छायेत आल्यावर माझ्या अंगावर चांदण्याची फुलं बिनधास्त उधळतोस तू..
तुझं ते निरभ्र आकाशात रुबाबात झिरपणं कोणालाही तुझ्या प्रेमात पाडू शकतं सहज.
आणि त्या मेघांनी जरी गर्दी केली, तरी तुझं सौंदर्य यत्किंचितही कमी होत नाही, किंबहुना ते तुझी शोभा जरा जास्तच वाढवतात.. तीट लावल्यासारखंच.

क्षणाक्षणाला बहरत जाणारं तुझं रूप डोळ्यात साठवताना माझी नजर अपुरी पडते . तू पाहताना एका स्वप्नासारखा भासतोस, पण तुला पाहतानाचा प्रत्येक क्षण सुंदर वास्तव आहे.
आणि म्हणूनच मी तुझ्या आणखी प्रेमात पडत जाते.
तू कायम आहेस. अनंत आहेस की नाहीस ते ठाऊक नाही. पण माझ्यासोबत कायम आहेस. अमावस्येला तुझं अस्तित्व नसलं तरी आठवणींच्या स्वरूपात आहेस. चंद्रकोरीमध्ये इवलंसं रूप दाखवलंस तरी पुरेसं आहे. आणि पौर्णिमेला तर पर्वणीच आहे.

तुझा मुग्ध प्रकाश मला रातराणीच्या सुगंधाशी खेळवतो, तुझं चांदणं मला न्हाऊ घालतं, कुशीत घेतं. तुझ्या प्रकाशाची जादुई वलयं मला अंगाई गात निजू घालतात. आणि मी तुझ्याच स्वप्नांमध्ये तुझी अशीच अप्रतिम रूपं बघण्यात दंग होते.

— कल्याणी

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

रायगडमधली कलिंगडं

महाराष्ट्रात आणि विशेषतः कोकणामध्ये भात पिकाच्या कापणीनंतर जेथे हमखास पाण्याची ...

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

Loading…

error: या साईटवरील लेख कॉपी-पेस्ट करता येत नाहीत..