नवीन लेखन...

शैव माझे यार झाले…

शैव माझे यार झाले…
मारण्यासाठी मला ही उचलली तलवार त्यांनी
उचलले मी फक्त डोळे घेतली माघार त्यांनी

छान केला आज माझा हा असा सत्कार त्यांनी
लपविला खंजीर मागे अन् दिली तलवार त्यांनी

का तुझे निसटून गेले हात हातातून माझ्या
स्पर्श करण्याचा किती हा पाळला उपचार त्यांनी

जवळ आले जग किती हे माणसे ही दूर गेली
लावुनी छोटाच पडदा घडविले बेकार त्यांनी

मी कसा जगणार याची या पुढार्यांनाच चिता
भाकरीवर लावला कर स्वस्त केली कार त्यांनी

जे मला सांगायचे ते नीट घे समजून तू
मी कुणाचे नाव घेऊ फक्त मी म्हणणार,‘‘त्यांनी’’

शैव माझे यार झाले, वैष्णवांनी लाड केले
पाहिला माझ्यातला का नरहरी सोनार त्यांनी?

— प्रदीप निफाडकर

Avatar
About प्रदीप निफाडकर 35 Articles
श्री. प्रदीप निफाडकर हे ज्येष्ठ पत्रकार असून गझल या विषयाचा त्यांचा मोठा अभ्यास आहे. त्यांनी स्वत: अनेक गझला लिहिल्या असून अनेक गझलांचे भाषांतरही केले आहे. गझलेत वात्सल्य आणणारे आणि प्रेम व दारूत अडकलेल्या गझलेला कौटुंबिकता प्राप्त करून देणारे श्री.निफाडकर हे गझलसम्राट सुरेश भट यांचे शिष्य असून, पत्रकार म्हणूनही ते सुपरिचित आहेत.

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

रायगडमधली कलिंगडं

महाराष्ट्रात आणि विशेषतः कोकणामध्ये भात पिकाच्या कापणीनंतर जेथे हमखास पाण्याची ...

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

Loading…

error: या साईटवरील लेख कॉपी-पेस्ट करता येत नाहीत..