नवीन लेखन...

वाटचाल

होतो शोधित तुजसी मी, जीवनांच्या मार्गावरी,
होता मनीं विश्वास, भेटणार तूं, मजसी कोठेतरी ।
तुझी आहेस तूं माझी, जरी सोडलेस मजवार्‍यावरी,
चालून चाल, दमलो, तरळत वाट होती अधांतरी ।।
वाटे परी, वेळी कातर अशा, असावीस तूं जवळी,
असावीस तूं जवळी ।।१।।

काय मारिले घोडे तुझे मी, ठरविलेस मजसी वेडे,
आठवती दिन ते गोड गोड, आकृष्ट होतीस मज कडे ।
काय झाले तुज न कळे, विश्वासास गेले कसे तडे,
रडे कोसळणे ही थांबले, इतके चारिलेस तूं खडे ।।
वाटेपरी, वेळी कातर अशा, असावीस तूं जवळी,
असावीस तूं जवळी ।।२।।

डगमगणे ठअवूक न मज, आहे तसा मी बेरड,
नाही वधणार मी, असेल व्यर्थ, सारी तुझी ओरड ।
आहे मोहीत तुजवरी, बसविलीस नजरेची जरब,
ध्यानीं तुझी मनीं ही तूं, जरी जगणे तुजसेव अवघड ।।
वाटे परी, वेळी कातर अशा, असावीस तूं जवळी,
असावीस तूं जवळी ।।३।।

होता न कधी मना सारखे, चढे सणसणीत तव पारा,
वेळी अशा, प्रियमज, धरणेहातीं, धग धगला निखारा ।
होऊनि केवीलवाणा मी, शोधितो तव प्रीतिचा किनारा,
देखूनि रोख तव नजरेचा, पसंत मज करणे पोबारा ।।
वाटेपरी, वेळी कातर अशा, असावीस तूं जवळी,
असावीस तूं जवळी ।।४।।

माडा परी उंच मी ताड, शिजली न तुज पुढे डाळ,
होती फटकारीत तूं, समजूनि मज सान बाळ ।
हळूवार केलास सांभाळ, नाही झाली कधी अबाळ,
जाणिले अंती एकमेकां आपलं म्हणूनि सौख्याचा सुकळ ।।
वाटे परी, वेळी कातर अशा, असावीस तूं जवळी,
असावीस तूं जवळी ।।५।।

— सुरेश वासुदेव नाईक उर्फ गुरुदास

Avatar
About सुरेश वासुदेव नाईक उर्फ गुरुदास 43 Articles
श्री. सुरेश नाईक हे एक उत्तम कवी आणि प्रवासवर्णनकार आहेत. त्यांनी अनेक प्रवासवर्णने पद्यस्वरुपात लिहिली आहेत. ते “गुरुदास” या टोपणनावानेही लेखन करतात. भारतीय नौकानयन महामंडळातून निवृत्त अधिकारी. मराठी / हिंदी / इंग्रजी भाषांचा व्यासंग. काव्य गायनाचे/काव्य वाचनाचे शेकडो कार्यक्रम केले आहेत.

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

रायगडमधली कलिंगडं

महाराष्ट्रात आणि विशेषतः कोकणामध्ये भात पिकाच्या कापणीनंतर जेथे हमखास पाण्याची ...

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

Loading…

error: या साईटवरील लेख कॉपी-पेस्ट करता येत नाहीत..