वंदन

 

वाटले मजला आहे मी हुषार, मिरविला टेंभा अकलेचा,
होतो गुलाम मी, अहंकार जोपासुनि मनीं, माझ्याच मूर्खतेचा ।
खाऊनि ठोकरा अनेक, स्वानुभावें घेतला वेध, माझ्याच मी मनाचा,
सव्यांत पाहूनि तया, सखा अहंकार, गवसला मार्ग चिन्मयाचा ।
मजसि गवसला मार्ग चिन्मयाचा ।।१।।

धुंदीत यौवनाच्या नि जोमांत अंगीच्या, वाटले आहोत आम्ही शहाणे,
झेप होती गगनावरी, ऐकले न कधी गुरुजनांचे, मस्तीत अज्ञा नाकारणे ।
घोड दौडीत, जाहले घोडे जेव्हां लंगडे, हातीं अमुच्या उरले फक्त रडणे,
नव्हतो आम्ही अविचारी तितुके, क्षणी उमगले मनां, चरणतयाचे धरणे ।
क्षणी उमगले मनां, चरणतयाचे धरणे ।।२।।

देखुनि व्याधीअन् दैना जनांची, नाही जाहलो जगीं कधी निराश,
सागरीं संकटांच्या, नाही डगमगलो, अन् झालो न कधी हताश ।
जरी राहिल्या यातना या बेगडीच्या, वाटले न आयु हे भकास,
नामातुनि तयाच्या, श्रोत होता स्फूर्तीचा, शिकलो जीणे हे झकास ।
आम्ही, शिकलो जीणे हे झकास ।।३।।

कृपेने तयाच्या, जरी वाढलो आम्ही जगतीं, जाण नव्हती कशाची,
तयाच्याच प्रसादें, शिकलो थोडे बहुत, परी न गवसली वाट ज्ञानाची ।
आलो येथवरी “जयाच्”च्या मर्जीने, नसेल वानवा मज शांती सुखाची,
ग्वाही मज, होईल कृपा गजाननाची, धरतांच कास या ताई चरणांची ।
धरतांच कास या ताई चरणांची ।।४।।

— सुरेश वासुदेव नाईक उर्फ गुरुदास

Avatar
About सुरेश वासुदेव नाईक उर्फ गुरुदास 43 Articles
श्री. सुरेश नाईक हे एक उत्तम कवी आणि प्रवासवर्णनकार आहेत. त्यांनी अनेक प्रवासवर्णने पद्यस्वरुपात लिहिली आहेत. ते “गुरुदास” या टोपणनावानेही लेखन करतात. भारतीय नौकानयन महामंडळातून निवृत्त अधिकारी. मराठी / हिंदी / इंग्रजी भाषांचा व्यासंग. काव्य गायनाचे/काव्य वाचनाचे शेकडो कार्यक्रम केले आहेत.

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

महाराष्ट्रातील खनिजसंपत्ती

महाराष्ट्रात दगडी कोळशाव्यतिरिक्त मॅंगनीज आणि लोह खनिज बर्‍याच प्रमाणात आढळते ...

Loading…

error: कॉपी कशाला करता? लेखकाला लिहायलासुद्धा कष्ट पडतात.. चोरी कशाला करायची ? स्वत:च लिहा की....