क्षण सोन्याचा

हृदय मंदिरी शांत राहुनि, प्रियतयांना मार्ग चालणे,
मनां-मनांच्या संयोगांतुनि, सुरेल जमले, हे जीवन गाणे ।
तयांना सुरेल जमले, हे जीवन गाणे ।।धृ।।

न्यारी ऐसी काल गतीही, सर सर सरणे आपुल्या वेगे,
नाना रंगी सुख-दु:खाच्या, स्मृती-शलाका, ठेवुनि मागे ।
संसार सागरीं अनुताप साहुनि, लाभले लेणे चिरशांतीचे,
जीवन मार्गी दिनकर संगे, छाया बहरली अति अनुरागे ।।
मनां-मनांच्या संयोगांतुनि, सुरेल जमले, हे जीवन गाणे ।
तयांना सुरेल जमले, हे जीवन गाणे ।।१।।

दुखणे-खुपणे कधी कुणाचे, “दादा” स्पर्शे दूर व्हायचे,
आपुलकीच्या रसाळ वाणी मधुनि, बंध घातले मना-मनाचे ।
कृती-कृतीतुनि विलसत होते, कर्णापरी अदार्य तयांचे,
सर्वार्थाने अमुचे “दादा” ठरले, स्थान हृदयीं अढळ तयांचे ।।
मनां-मनांच्या संयोगांतुनि, सुरेल जमले, हे जीवन गाणे ।
तयांना सुरेल जमले, हे जीवन गाणे ।।२।।

छाया होती दिनकर मागे, म्हणूनि गेले विणले, जीवन धागे,
धरुनि तन्मयतेने विचारधारा, काढिले नवनीतयोगायोगे ।
जपण्यासाठी लोकसंग्रह, झिजवले तयांनी चंदन देहाचे,
मनां-मनांच्या संयोगांतुनि, सुरेल जमले, हे जीवन गाणे ।
तयांना सुरेल जमले, हे जीवन गाणे ।।३।।

होती छाया रूपी, झूल रुपेरी, नित पाठिवरती मायेची,
संसारास दिनूच्या, म्हणूनि लाभली ही झालर सोन्याची ।
अपत्य-त्रयींनी अलगद हलके, टिपली घटिका मोलाची,
दासगुरु धरितो सदा, कास या पावन चरणांची ।।
मनां-मनांच्या संयोगांतुनि, सुरेल जमले, हे जीवन गाणे ।
तयांना सुरेल जमले, हे जीवन गाणे ।।४।।

-गुरुदास / सुरेश नाईक
११ डिसेंबर २००५
“शिव-सागर”, ठाणे

— सुरेश वासुदेव नाईक उर्फ गुरुदास

Avatar
About सुरेश वासुदेव नाईक उर्फ गुरुदास 43 Articles
श्री. सुरेश नाईक हे एक उत्तम कवी आणि प्रवासवर्णनकार आहेत. त्यांनी अनेक प्रवासवर्णने पद्यस्वरुपात लिहिली आहेत. ते “गुरुदास” या टोपणनावानेही लेखन करतात. भारतीय नौकानयन महामंडळातून निवृत्त अधिकारी. मराठी / हिंदी / इंग्रजी भाषांचा व्यासंग. काव्य गायनाचे/काव्य वाचनाचे शेकडो कार्यक्रम केले आहेत.

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

महाराष्ट्रातील खनिजसंपत्ती

महाराष्ट्रात दगडी कोळशाव्यतिरिक्त मॅंगनीज आणि लोह खनिज बर्‍याच प्रमाणात आढळते ...

Loading…

error: या साईटवरील लेख कॉपी-पेस्ट करता येत नाहीत..