श्रावण मनभावन !

सण उत्सवाने भरलेला श्रावण,
चैतन्याने, आराधनेने भरलेला श्रावण,
सृष्टीच्या नटण्या मुरडण्याचा श्रावण,
ऊन-पावसाशी लपंडाव खेळणारा श्रावण,
श्रावण मनभावन !

देवदेवतांच्या भजन-पूजनात रंगून जाण्याचा श्रावण,
व्रतवैकल्याने, धार्मिक परंपरेने आत्मबल वाढवणारा श्रावण,
चांगुलपणा, भाविकता आणि भावुकता जागवणारा श्रावण,
माणसांना खुलवणार, नाचवणारा, गाणारा श्रावण,
श्रावण मनभावन !

नागपंचमी, जन्माष्टमी, नारळीपौर्णिमा,
रक्षाबंधन, मातृदिन आणि पोळ्याचा श्रावण,
तरुणी, नाविवाहीतांचा, मंगळागौरीचा श्रावण,
मन उल्हासित, सुगंधित, आनंदी करणारा असा श्रावण,
श्रावण मनभावन !

निसर्गाबद्दलची कृतज्ञता व्यक्त
करण्याची संधी देणारा श्रावण,
सप्त रंगाने गंधाने नाहू घालणारा श्रावण,
श्रावण मनभावन !

जगदीश पटवर्धन