जयवंत नाडकर्णी हे नटश्रेष्ठ नानासाहेब फाटक यांचे शिष्य होते. जयवंत नाडकर्णी यांनी नानासाहेबांसोबत हॅम्लेट आणि इतर व्यावसायिक नाटकांत भूमिका केल्या. शितू, दूरचे दिवे, वैजयंती, कौतेय, एकशून्य बाजीराव, करायला गेलो एक, मी जिकलो मी हरलो, वतुर्ळाचे दुसरे टोक, माता द्रौपदी, द्वंबद्विपचा मुकाबला, वेड्याचे घर उन्हात, पाषाण पालवी ह्या नाटकात जयवंत नाडकर्णी यांनी प्रमूख भूमिका केल्या होत्या. जयवंत नाडकर्णी यांना राज्य नाट्य स्पर्धेत उत्कृष्ट अभिनयाची अनेक सुवर्ण पदके प्राप्त झाली होती. तसेच त्यांना मुंबई महानगर पालिकेतून १९८४ या वर्षी निवृत्त होईपर्यंत खात्यांतर्गत, आंतरविभागीय नाट्यस्पर्धेत अभिनयाचे, दिग्दर्शनाचे अनेक सन्मान प्राप्त झाले होते.
प्रसिद्ध दिग्दर्शिका विजया मेहता यांच्या रंगायन या नाट्यसंस्थेच्या प्रत्येक नाट्य कलाकृतीत नाडकर्णी यांचा प्रामुख्याने सहभाग असे. नाडकर्णी यांनी अरुण काकडे, माधव वाटवे, विमल जोशी, लालन सारंग, कमलाकर सारंग, कमलाकर नाडकर्णी, दामु केंकरे, चित्तरंजन कोल्हटकर, भक्ती बर्वे, कुमुद चास्कर, अरविंद देशपांडे, सुलभा देशपांडे, उषा नाडकर्णी, स्नेहलता प्रधान अशा ज्येष्ट कलाकारांसोबत अनेक प्रायोगिक, तसेच व्यावसायिक नाट्यकृती सादर केल्या. जयवंत नाडकर्णी यांचे १३ ऑगस्ट २०१८ रोजी निधन झाले.
— संजीव वेलणकर.
९४२२३०१७३३
पुणे.
Leave a Reply