नवीन लेखन...

टीव्हीच्या रिमोट कंट्रोलचा शोध लावणारे अमेरिकन अभियंता युजीन पॉली

युजीन पॉली यांचा जन्म २९ नोव्हेंबर १९१५ शिकागो येथे झाला.

रिमोट कंट्रोलचा शोध लावणारे अभियंता ही युजीन पॉली यांची एका वाक्यात ओळख!

युजीन यांचे कुटुंब काही मुलाला इंजिनीअर बनवू शकणारे नव्हते. तशी त्यांची ऐपतच नव्हती. हलाखीतच विसाव्या वर्षी- म्हणजे महामंदीतून अमेरिका नुकती सावरत असतानाच्या १९३५ साली- युजीन यांनी घर सोडले आणि त्यांनी ‘झेनिथ’ या अमेरिकी कंपनीत स्टॉक बॉयची नोकरी पकडली. ती करतानाच त्यांनी अभियांत्रिकीचे शिक्षण घेऊन त्याच कंपनीची सेवा ४७ वर्षे केली. वयाच्या चाळिसाव्या वर्षी त्यांनी रिमोट कंट्रोलचा शोध लावला.. त्यापूर्वी चित्रवाणी संच दुरून किंवा कोचावर बसल्या बसल्या बंद करायचा, तर दहा फुटी वायर जोडावी लागत असे. बिनतारी रिमोट नव्हतेच, ते युजीन यांच्या कल्पनेतून साकारले. तेव्हा रिमोट म्हणजे रेडिओ लहरी सोडणारी आणि आजच्या ‘हेअर ड्रायर’यंत्रासारखी दिसणारी एक बंदूकच होती ती.. या रिमोट कंट्रोलने चार कामे करता येत असत. टीव्ही बंद-सुरू करणे, चॅनेल एकेक करून मागेपुढे नेणे, चित्राची तीव्रता आणि आवाज वाढवणे वा कमी करणे. या कामांसाठी टीव्हीच्या पडद्याच्या चार कोपऱ्यांत रेडिओ लहरींचे संवेदक बसवावे लागत. असा चित्रवाणी संच युजीन यांनी ‘झेनिथ’साठी १९५५ साली बनवला आणि पुढल्याच वर्षी तब्बल ३० हजार संचांची मागणी आली.

महायुद्धाच्या काळात युजीन यांनी रडार तंत्रज्ञानावरही काम केले होते. पुढे मोटारीतला पुश-बटन रेडिओ आणि आजच्या ‘डीव्हीडी’चे आद्यरूप ठरलेली ‘व्हिडीओ डिस्क’यांची संकल्पना त्यांचीच होती. त्यांचे पेटंटही त्यांच्याकडे होते. एकूण १८ पेटंट त्यांच्याकडे होती.

युजीन पॉली यांचे निधन २० मे २०१२ रोजी झाले.

— संजीव वेलणकर.

९४२२३०१७३३

पुणे.

संजीव वेलणकर
About संजीव वेलणकर 3220 Articles
श्री. संजीव वेलणकर हे पुणे येथील केटरिंग व्यवसायिक असून ते विविध विषयांवर सोशल मिडियामध्ये लेखन करतात. ते १०० हून जास्त WhatsApp ग्रुप्सचे Admin आहेत. संगीत, आरोग्य, व्यक्तिचित्रे, पाककृती व इतर दिन विशेष या विषयांवर फेसबुकवर ही ते नियमितपणे लेखन करत असतात.
Contact: Facebook

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

रायगडमधली कलिंगडं

महाराष्ट्रात आणि विशेषतः कोकणामध्ये भात पिकाच्या कापणीनंतर जेथे हमखास पाण्याची ...

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

Loading…

error: या साईटवरील लेख कॉपी-पेस्ट करता येत नाहीत..