एकदा कोणी तरी
आयुष्यात असे भेटावे!
दुःख न सांगता मन हलके व्हावे,
पुन्हा दुःखाला सामोरे जावे..
एकदा कोणी तरी
आयुष्यात असे भेटावे!
दुःख त्याचे अश्रू माझे असावे
त्याचे दुःख मी ओंजळीत धरावे..
एकदा कोणी तरी..
आयुष्यात असे भेटावे,
वाट तो पाऊल मी व्हावे
चालता चालता थकावे,
आधारासाठी त्याच्याकडे पहावे..
एकदा कोणी तरी
आयुष्यात असे भेटावे,
उन्ह तो मी सावली व्हावे;
पावसाचे थेंब तो मी सर व्हावे
चिंब पावसात मी भिजावे..
एकदा कोणी तरी
आयुष्यात असे भेटावे!!
जीव तो श्वास मी व्हावे
बंध ते नाजुक से,
तन मन एक व्हावे..
एकदा कोणी तरी
आयुष्यात असे भेटावे;
फुल मी तो गंध व्हावे
मन माझे मुग्ध व्हावे..
एकदा कोणी तरी
आयुष्यात असे भेटावे!!
सूर तो गीत मी व्हावे,
रिकाम्या ओंजळीत तो माझ्या
मी त्याच्या हृदयात असावे..
— स्वाती ठोंबरे.
Leave a Reply