नवीन लेखन...

तरंग

मुग्ध तूं, लुब्ध मी,
बहरती प्रीत, लहरते वार्‍यावरी ।
भेट अपुली, व्हावी, कधीतरी,
आंस तरळते अंतरी, वरचेवरी ।
आंस ही तरळते अंतरी, वरचेवरी ।।धृ।।

योग जरी असला भेटीचा, नित्यरोजचा ।
नियमित, कधीच नसतो, नेम वेळेचा ।।
“असली” जरी ओढ, सुप्त हृदयाची ।
किमया ही अमोल, सारी नियतीची ।।
श्रांतू तूं, मला न मी,
बेट अपुली, व्हवी, कधीतरी,
आंसही, तरळते अंतरीं वरचेंवरी ।।१।।

चाल साधीच आहे, सरळ मार्गांवरी,
जीवनींच्या तरळ, धुंद, वळणांवरी ।
सौख्य——, ठसठशीत, भाळावरी,
मर्झीच तयाची, असावी सदा, खरोखरी ।।
स्तब्ध तूं, नि:शब्द मी,
भेट अपुली, व्हावी, कधीतरी,
आंस ही तरळते अंतरीं वरचेवरी ।।२।।

ठावून न कुणा, संकेत नियतीचे,
दडले रहस्य यातच, चिदानंदाचे ।
विश्वासूनि तयावरी, मार्गी चालणे,
चालीतुनि त्या, नित स्वानंदी रंगणे ।।
श्वास तूं, उ च्छवास मी,
भेट अपुली, व्हावी, कधीतरी,
आंसही, तरळते अंतरीं, वरचेवरी ।।३।।

नाते जडले अपुले, युगायुगाचे,
विणले धागे, उत्कट प्रीतीबंधाचे ।
असले धूसर जरी, ते योग भेटीचे,
जपणे, ते बंध रेशमी, जिवा शिवाचे ।।
भास तूं, अभास मी,
भेट अपुली व्हावी कधीतरी,
आंस ही, तरळते अंतरीं, वरचेवरी ।।४।।

गुरुदास / सुरेश नाईक
१८ मे २०११३०१ “ड्रीम क्लसिक”गणंजय,
पुणे – अक्षय तृतीया
“सुमनांजली” या काव्यसंग्रहातून…
— सुरेश वासुदेव नाईक उर्फ गुरुदास

Avatar
About सुरेश वासुदेव नाईक उर्फ गुरुदास 43 Articles
श्री. सुरेश नाईक हे एक उत्तम कवी आणि प्रवासवर्णनकार आहेत. त्यांनी अनेक प्रवासवर्णने पद्यस्वरुपात लिहिली आहेत. ते “गुरुदास” या टोपणनावानेही लेखन करतात. भारतीय नौकानयन महामंडळातून निवृत्त अधिकारी. मराठी / हिंदी / इंग्रजी भाषांचा व्यासंग. काव्य गायनाचे/काव्य वाचनाचे शेकडो कार्यक्रम केले आहेत.

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

रायगडमधली कलिंगडं

महाराष्ट्रात आणि विशेषतः कोकणामध्ये भात पिकाच्या कापणीनंतर जेथे हमखास पाण्याची ...

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

Loading…

error: या साईटवरील लेख कॉपी-पेस्ट करता येत नाहीत..