नवीन लेखन...

ना दुःखाचा धांडोळा, ना स्वप्नांचा आढावा

ना दुःखाचा धांडोळा, ना स्वप्नांचा आढावा
ही कविता म्हणजे राजा त्या देवाचा सांगावा

हे कुठल्या राधेसाठी यमुनेचे व्याकुळ पाणी
कृष्णाची काळी जादू वार्याचा बनवी पावा

हसण्याला उगाच ओढत तू आणलेस ओठांशी
अश्रुंच्या फटकार्याने बघ कोसळला देखावा

मी बालपणाला माझ्या केव्हाही सोडत नाही
थोडीशी फुरसत मिळता मामाच्या जातो गावा

हदयाने लिहिले होते,ओठांची मोहर होती
हे पत्र तुझे आहे की हा रंगांचा मेळावा

देशाची अन् माझीही का एकच रास असावी?
शेजारी खोड्या करूनी वर रोज करी कांगावा

जग कठोर झाले तेव्हा, अन् उपाय थकले तेव्हा
मज दुसरे दैवत नाही मी प्रेमाचा केला धावा

मी सत्य बोललो त्याचा का गाजावाजा करता?
वाटेला जाता कोणी मुंगीही घेते चावा

जी बालपणाची गोडी ती चिचा बोरे गेली
शाळेच्या दारापाशी विकतात अता ते मावा

सत्तेची नशाच न्यारी,सत्तेच्या जाता दारी
डावाही होतो उजवा, उजवाही होतो डावा

मी ऐसे काही येथे आयुष्य काढले माझे
एखाद्या आजोबांनी भररस्ता ओलांडावा

मी चुकतो अनेक वेळा, माणूस असे मी भोळा
माझेच बरोबर याचा केला न कधी मी दावा

दुनियेची दुःखे मोठी मी दूर करू ना शकलो
मी गझला लिहिल्या कोठे ? मी शिपडला ओलावा

— प्रदीप निफाडकर

Avatar
About प्रदीप निफाडकर 35 Articles
श्री. प्रदीप निफाडकर हे ज्येष्ठ पत्रकार असून गझल या विषयाचा त्यांचा मोठा अभ्यास आहे. त्यांनी स्वत: अनेक गझला लिहिल्या असून अनेक गझलांचे भाषांतरही केले आहे. गझलेत वात्सल्य आणणारे आणि प्रेम व दारूत अडकलेल्या गझलेला कौटुंबिकता प्राप्त करून देणारे श्री.निफाडकर हे गझलसम्राट सुरेश भट यांचे शिष्य असून, पत्रकार म्हणूनही ते सुपरिचित आहेत.

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

रायगडमधली कलिंगडं

महाराष्ट्रात आणि विशेषतः कोकणामध्ये भात पिकाच्या कापणीनंतर जेथे हमखास पाण्याची ...

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

Loading…

error: या साईटवरील लेख कॉपी-पेस्ट करता येत नाहीत..