नवीन लेखन...

स्वामी सावली दीप !

माझ्या दिव्यांच्या संग्रहामध्ये कित्येक दिवे मी माझ्या कल्पनेने बनविलेले आहेत. अगदी अलीकडे नेहेमींप्रमाणे स्वामी समर्थांचे दर्शन घेतांना एक कल्पना सुचली. लहानपणी आम्ही भावंडे, वीज नसलेल्या आमच्या आजोळच्या घरी जात असू. तेथे आरतीसाठी संपूर्ण देवघरात देवांपुढे लावलेली एक मोठी समई, आजीच्या भोवती आमचे भावंडांचे कोंडाळे, भिंतीवर पडणाऱ्या आमच्याच सावल्या… हे सर्व मनात घर करून राहिलेले ! याची तीव्रतेने आठवण झाली.

स्वामी समर्थांचा मांडीवर टेकलेला उजवा हात आणि आधारासाठी जमिनीवर ( व्याघ्रासनावर ) ठेवलेला डावा हात ही सर्वपरिचित प्रतिमा एका पितळी पत्र्यावर केवळ बाह्यरेषा कापून तयार करून घेतली.एका अतिशय सुंदर कोरीव काम असलेल्या दिव्याला मागच्या बाजूला बोल्ट्स बसवून घेतले. त्यामध्ये ही स्वामी प्रतिमा बसविली.

खोलीमध्ये दुसरा कुठलाही दिवा न लावता, केवळ हा दिवा लावला आणि भिंतीपासून विशिष्ट अंतरावर ठेवला की स्वामींची सावली भिंतीवर दिसू लागते. मनातील भक्ती , दिव्याचा मंगल प्रकाश आणि भिंतीवर प्रकटणारे स्वामी पाहताना … तूर्यावस्थेत जायला फार वेळ लागत नाही.

।। श्री स्वामी समर्थ ।।

— मकरंद करंदीकर.

( हा लेख शेअर केल्यास कृपया तो माझ्या नावासह शेअर करावा )

Avatar
About मकरंद करंदीकर 43 Articles
मकरंद शांताराम करंदीकर यांनी बँक ऑफ इंडियातून सेवानिवृत्त झाल्यानंतर आपल्या अनेक छंदांना पूर्णपणे वाहून घेतले. गेली सुमारे ५० वर्षे ते दिव्यांचा - विशेषत: भारतीय दिव्यांचा संग्रह करीत आहे. त्यांच्याकडील हा संग्रह भारतातील दिव्यांचा सर्वात मोठा संग्रह आहे. या विक्रमासाठी त्यांचे नाव २ वर्षे लिम्का बुक ऑफ रेकॉर्ड्समध्ये आणि एकदा इंडिया बुक ऑफ रेकॉर्ड्समध्ये नोंदले गेले आहे. याचबरोबर भांडी, बैठे खेळ, पत्ते, जुनी प्रसाधने, लेखन साहित्य असे इतर अनेक छंद त्यांनी जोपासले आहेत.

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

रायगडमधली कलिंगडं

महाराष्ट्रात आणि विशेषतः कोकणामध्ये भात पिकाच्या कापणीनंतर जेथे हमखास पाण्याची ...

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

Loading…

error: या साईटवरील लेख कॉपी-पेस्ट करता येत नाहीत..