अंड्याची करी

साहित्य : अंडी, कांदा, खोबरं (सुके), आमसूल, मीठ, हळद, तिखट, लसुण, आलं, कोथिंबीर.

कृती : प्रथम अंडी उकडून घेणे. थोडा कांदा, खोबरे, आलं, लसुण भाजून घेणे व त्याचे बारीक वाटण करून घेणे. उरलेला कांदा तेलावर फोडणीला टाकून त्यामध्ये हळद, तिखट टाकून चांगला गुलाबी रंगावर परतणे. नंतर त्यामध्ये तयार केलेले वाटण घालणे व ते परतणे. नंतर पाहिजे त्या प्रमाणात रस्सा करण्यासाठी पाणी घालणे व त्यात मीठ घालून उकळी आणणे. उकडलेल्या अंड्याची साले काढून अंडी अर्धी कापुन त्या रस्स्यात सोडणे. वरून कोथिंबीर बारीक चिरून घालणे. हवे असल्यास दोन आमसुले (कोकम) घालणे.

Be the first to comment

Leave a Reply

Your email address will not be published.


*