तळणीचे मोदक

Fried Modak

साहित्य –

एक वाटी मैदा,एक वाटी साजूक तुपावर भाजून घेतलेली कणीक, मुटका वळला जाईल इतपत कडकडीत वनस्पती तुपाचे मोहन. चिमुटभर मीठ, अर्धा कप दूध व घट्ट पीठ भिजवायला आवश्यक तेवढे पाणी. पीठ पुरीच्या पिठाप्रमाणे घट्ट भिजवा व मळून एका बाजूला झाकून ठेवा.

मोदकाच्या आत भरायचे सारण –

चार वाट्या ओल्या नारळाचा चव, आवडीनुसार दोन ते तीन वाट्या किसलेला गूळ किंवा साखर. दोन चमचे भाजलेल्या खसखशीची पूड. (ऐच्छिक) एक कप साईसकट (मलाईचे) दूध, वेलदोडे पूड, चारोळी, बेदाणे,काजू व बदामाचे काप,खारकेची पूड,सारणात घालायला तांदूळाची पिठी इत्यादी.

कृती –

किसेला गूळ / साखर, दूध व ओल्या नारळाचा चव एकत्र शिजवा. शिजवून कोरडं करा. त्यात एक चमचा तांदूळाची पिठी घाला. सारण गार होऊ द्या.
टीप – या सारणात खारकेची पूडही घालतात. पिठाची पारी लाटून वाटीने एकसारख्या पुर्‍या . कापून घ्या. लाटलेली पुरी हातावर घेऊन तिला द्रोणासारखा आकार देऊन त्यात सारण भरून मोदक तयार करून तळून घ्या.

— संजीव वेलणकर, पुणे
९४२२३०१७३३

Avatar
About संजीव वेलणकर 617 Articles
श्री. संजीव वेलणकर हे पुणे येथील केटरिंग व्यवसायिक असून ते विविध विषयांवर सोशल मिडियामध्ये लेखन करतात. ते १०० हून जास्त WhatsApp ग्रुप्सचे Admin आहेत. संगीत, आरोग्य, व्यक्तिचित्रे, पाककृती व इतर दिन विशेष या विषयांवर फेसबुकवर ही ते नियमितपणे लेखन करत असतात.
Contact: Facebook

Be the first to comment

Leave a Reply

Your email address will not be published.


*