भरा करेला(पंजाबी)

साहित्य:- चार कोवळी कारली, एक कांदा, एक टोमॅटो, चमचाभर धने-जिरेपूड, दोन-तीन लाल मिरच्या, चिमूटभर हळद, अर्धा चमचा गरम मसाला, दोन चमचे पंढरपुरी डाळे, दोन चमचे डाळिंबाचे दाणे, दोन चमचे तेल, मीठ.

कृती:- टोमॅटो गरम पाण्यात घालून साले काढून रस करावा. कारली वरून खरवडावी. मग उभी चीर देऊन बिया काढून टाकाव्यात व कारली मीठ लावून अर्धा तास ठेवावीत. मिरच्या, डाळे, डाळिंबाचे दाणे मिक्सढरवर फिरवून पूड करावी. चमचाभर तेल तापवून, त्यात कांदा परतावा. गुलाबीसर झाल्यावर त्यात वाटलेला मसाला, हळद, गरम मसाला, धने-जिरे पूड व मीठ घालून हलवावे. नंतर त्यात टोमॅटोचा रस घालावा. शिजवून, कोरडे झाल्यावर खाली घ्यावे. गार झाल्यावर ते धुतलेल्या कारल्यात भरावे व दोऱ्याने बांधावे. मग थोड्या तेलात कारली लालसर होईपर्यंत परतावीत.

संजीव वेलणकर पुणे.
९४२२३०१७३३

Avatar
About संजीव वेलणकर 617 Articles
श्री. संजीव वेलणकर हे पुणे येथील केटरिंग व्यवसायिक असून ते विविध विषयांवर सोशल मिडियामध्ये लेखन करतात. ते १०० हून जास्त WhatsApp ग्रुप्सचे Admin आहेत. संगीत, आरोग्य, व्यक्तिचित्रे, पाककृती व इतर दिन विशेष या विषयांवर फेसबुकवर ही ते नियमितपणे लेखन करत असतात.
Contact: Facebook

Be the first to comment

Leave a Reply

Your email address will not be published.


*