अहमदनगर जिल्ह्यातील उद्योगव्यवसाय

अहमदनगर जिल्ह्यात अहमदनगर, श्रीरामपूर, पारनेर, राहुरी, जामखेड व संगमनेर या ठिकाणी महत्त्वाच्या औद्योगिक वसाहती असून या ठिकाणी कायनेटिक इंजिनिअरिंग,लार्सन अँड टुर्बो, व्हिडिओकॉन, किर्लोस्कर ऑईल इंजिन्स अँड बेअरिंग्ज, पारस उद्योग, इंडियन सीमलेस, सी.जी.न्यू एज-कमिन्स इंडिया असे प्रमुख उद्योग नगर जिल्ह्यात आहेत. धूत ग्रूपच्या सिमेंट पिशव्या (बॅग्ज) संपूर्ण भारतात प्रसिद्ध आहेत. कायनेटिकचे फिरोदिया व व्हिडिओकॉनचे धूत हे उद्योजक मूळचे नगरचेच. दीपक आर्ट्स या वैशिष्ट्यपूर्ण उद्योगात सुमारे ५०० कलावंत-कर्मचारी असून, येथे बनलेल्या भेटवस्तू संपूर्ण भारतात पाठवल्या जातात. यांच्या गणेश मूर्तीही महाराष्ट्रात प्रसिद्ध आहेत.