मुक्या वेदना बोलक्या संवेदना

मुक्या वेदना बोलक्या संवेदना

पुस्तकाचे नाव : मुक्या वेदना बोलक्या संवेदना
लेखिका :  डॉ. विनया जंगले
किंमत : ४००/-
पाने :  २३२
प्रकाशक : मौज प्रकाशन गृह
ISBN : ९७८-९३-५०९१-१९४-५
बाइंडिंगचा प्रकार : परफेक्ट बायंडिंग

वर्गवारी : ललित लेखन

पुस्तकाचा संक्षिप्त परिचय :

पशुवैद्यकी ही व्यवसायाची चाकोरीबाह्य दिशा निवडून मुक्या प्राण्यांची सेवा करणं हे आयुष्याचं ध्येय मानणाऱ्या विनया जंगले...त्यांचं स्वानुभवांवर आधारित 'मुक्या वेदना, बोलक्या संवेदना' हे आगळं पुस्तक.

पशुवैद्य या भूमिकेत वावरताना प्राण्यांवर केवळ उपचार न करता, त्यांच्या वेगवेगळ्या समस्या सोडवणं हाही त्यांच्या व्यवसायाचा आणखी एक पैलू. पण विविध प्राण्यांना तपासताना त्या प्राण्यांच्या संवेदनांशी एकरूप होणारी विनया जंगले या व्यक्तीमधील मानवतावादी दृष्टी या पुस्तकात ठळकपणे जाणवत राहते. म्हणूनच या प्राण्यांशी त्यांच्या वेदना समजून घेताघेता जुळत गेलेले भावबंधही त्यांच्या लेखनाचं नजरेत भरणारं वैशिष्ट्य ठरतं.

आपली ज्ञानशक्ती पणाला लावताना सूक्ष्म निरीक्षणातून आणि उत्कट भाववृत्तीतून त्यांनी नोंदवलेली ही अनुभवांची क्षणचित्रं विलक्षण बोलकी होतात. आणि विनया जंगले यांच्यातील लेखिका ही प्रतिमाही अधोरेखित होत जाते.

साध्या, संवादी शब्दशैलीतून सजीवपणे साकार होत जाणारं हे वन्यप्राणीजीवन नकळतपणे ललितगद्याची भावविभोर अशी रूपंच ठरतात.

प्रकाशकाचा संपर्क : 

मौज प्रकाशन, मुंबई

मौज डिजिटल
१ ला मजला, म्युनिसिपल इंडस्ट्रियल इस्टेट
म्युनिसिपल मार्केटच्या वर
विलेपार्ले (प), मुंबई

इ-मेल : moujdigital@gmail.com
दूरध्वनी : (०२२) २६१२ ३४७९

WhatsApp chat