मुळ्याच्या पाल्याची पीठ पेरून भाजी

साहित्य :- मूळ्याच्या पानांची जुडी १ मोठी, कांदा १ मोठा बारीक चिरलेला, हिरव्या मिरच्या ३ ते ४, आलं लसूण पेस्ट १ टी स्पून, जिरे १/२ टी स्पून, मोहोरी १/२ टीस्पून, बेसन ३ ते ४ टे.स्पून, हळद १/४ टे.स्पून,गरजेनुसार तेल, चवीनुसार मीठ.

कृती- प्रथम एका पातेल्यात पाणी गरम करत ठेवावे, पाणी उकळले कि त्यात बारीक चिरलेला मुळ्याचा पाला घालावा व साधारण ५ टे ७ मिनीटे मध्यम आचेवर ठेवावे. त्यानंतर तो पाला एका चाळणीत काढून घ्यावा व त्यातील सर्व पाणी निथळू द्यावे. एका कढईत तेल गरम करत ठेवावे ,तेल गरम झाले कि त्यात जिरे-मोहोरी घालावी, कांदा,हिरव्या मिरच्या व आलं-लसणाची पेस्ट घालावी ,कांदा गुलाबीसर रंगावर झाला कि त्यात हळद घालून परतून घ्यावे व ब्लांच केलेला मुळ्याचा पाला घालावा व परतून घ्यावे. थोड्या वेळात भाजीला पाणी सुटेल ते पाणी पूर्णपणे आटून भाजी कोरडी झाल्यावर चवीनुसार मीठ घालावे व परतून घ्यावे.

आता यांत बेसन घालून नीट परतून घ्यावे ,बेसनाच्या गाठी होण्याची शक्यता असते तेव्हा काळजी घ्यावी व नीट एकजीव करून घ्यावे व हलवत रहावे नाहीतर बेसन खाली चिकटते. साधारण ८ ते १० मिनिटांत आच बंद करावी व ही भाजी तोंडलावाणी म्हणून सर्व्ह करावी .

संजीव वेलणकर पुणे.
९४२२३०१७३३

Avatar
About संजीव वेलणकर 617 Articles
श्री. संजीव वेलणकर हे पुणे येथील केटरिंग व्यवसायिक असून ते विविध विषयांवर सोशल मिडियामध्ये लेखन करतात. ते १०० हून जास्त WhatsApp ग्रुप्सचे Admin आहेत. संगीत, आरोग्य, व्यक्तिचित्रे, पाककृती व इतर दिन विशेष या विषयांवर फेसबुकवर ही ते नियमितपणे लेखन करत असतात.
Contact: Facebook

Be the first to comment

Leave a Reply

Your email address will not be published.


*