तवा पुलाव

साहित्य:- तीन वाट्या बासमती तांदूळ, नऊ वाट्या पाणी, दोन मोठे कांदे, दोन मोठे टॉमेटो, दोन लहान चमचे आलं-लसूण पेस्ट, दोन मोठे चमचे तेल, एक लहान चमचा राई, अर्धा वाटी मटार, पाव वाटी गाजराचे लांब तुकडे, अर्धा वाटी श्रावण घेवड्याचे लांब तुकडे , अर्धा वाटी फ्लॉवरचे तुकडे , पाव वाटी भोपळी मिरचीचे चौकोनी तुकडे, एक मोठा चमचा लाल मिरची पावडर , एक लहान चमचा गरम मसाला पावडर, दोन लहान चमचे पावभाजी मसाला, दोन लहान चमचे साखर, चवीपुरते मीठ, कोथिंबीर
कृती:- बासमती तांदूळ अर्धा तास भिजत ठेवावा. गॅसवर पातेल्यात पाणी गरम करत ठेवावे. पाणी गरम झाले कि त्यामध्ये एक लहान चमचा मीठ व भिजवलेला बासमती तांदूळ शिजवण्याकरीता टाकावा. तांदूळ शिजला की, जास्तीचे पाणी जाण्याकरिता जाळीमध्ये निथळत ठेवावा. मटार, कापलेले गाजर, श्रावण घेवडा, फ्लाँवर शिजवून घ्यावे. कांदे-टॉमेटो बारीक चिरावेत. गॅसवर फ्रायींग पॅनमध्ये दोन मोठे चमचे तेल टाकावे, तेल तापले की त्यामध्ये राई फोडून घ्यावी. आलं-लसूण पेस्ट टाकावी आणि दोन मिनीटे हलवावे व त्यात बारीक चिरलेला कांदा घालून तो सोनेरी रंग येईपर्यंत परतावा. मग त्यामध्ये टॉमेटो घालून दहा मिनीटे पुन्हा परतवून घ्यावे. कांदा-टॉमेटो एकजीव झाले आणि त्याला तेल सुटले की त्यामध्ये गरम मसाला, लाल तिखट, पाव भाजी मसाला, साखर घालावी. शिजवलेल्या सर्व भाज्या व चवीपुरते मीठ घालावे व छान परतवून घ्यावे. शेवटी शिजवलेला बासमती तांदूळ मिक्स करावा व छान दहा मिनीटे परतवून घ्यावा म्हणजे सर्व मसाला भाताबरोबर एकजीव होईल.
संजीव वेलणकर पुणे.
९४२२३०१७३३

Avatar
About संजीव वेलणकर 617 Articles
श्री. संजीव वेलणकर हे पुणे येथील केटरिंग व्यवसायिक असून ते विविध विषयांवर सोशल मिडियामध्ये लेखन करतात. ते १०० हून जास्त WhatsApp ग्रुप्सचे Admin आहेत. संगीत, आरोग्य, व्यक्तिचित्रे, पाककृती व इतर दिन विशेष या विषयांवर फेसबुकवर ही ते नियमितपणे लेखन करत असतात.
Contact: Facebook

Be the first to comment

Leave a Reply

Your email address will not be published.


*