ब्राझील

ब्राझील (अधिकृत नाव: पोर्तुगीज: República Federativa do Brasil) हा दक्षिण अमेरिका खंडातील सर्वांत मोठा देश आहे. क्षेत्रफळानुसार ब्राझील जगातील पाचवा मोठा, लोकसंख्येनुसार जगात पाचवा व लोकशाहीवादी देशांमध्ये जगात चौथा मोठा देश आहे. ब्राझीलच्या पूर्वेस अटलांटिक महासागर असून देशाला ७,४९१ कि.मी. लांबीची विस्तृत किनारपट्टी याला लाभली आहे. याच्या उत्तरेस व्हेनेझुएला, सुरीनाम, गयाना, वायव्येस कोलंबिया, पश्चिमेस बोलीव्हिया व पेरू, नैर्‌ऋत्येस आर्जेन्टिना व पेराग्वे तर दक्षिणेस उरुग्वे हे देश आहेत.

अर्थव्यवस्थेनुसार ब्राझील जगातील आठव्या क्रमांकाचा देश आहे. जगातील सर्वांत झपाट्याने आर्थिक प्रगती करणार्‍या राष्ट्रांपैकी ब्राझील हा एक प्रमुख देश आहे. भविष्यातील आर्थिक महासत्तांमध्ये चीन व भारत यांच्या बरोबरीने ब्राझीलची गणना केली जाते.

ब्राझील देशामध्ये २६ राज्ये व एक शासकीय जिल्हा आहे.

राजधानी : ब्राझीलिया
सर्वात मोठे शहर : साओ पाउलो
अधिकृत भाषा : पोर्तुगीज
स्वातंत्र्य दिवस : (पोर्तुगालपासून) सप्टेंबर ७, १८२२ (घोषित) ; ऑगस्ट २९, १८२५ (मान्यता)
राष्ट्रीय चलन : ब्राझीलियन रिआल (BRL)

( Source : Wikipedia )

Be the first to comment

Leave a Reply

Your email address will not be published.


*