उगम

पुस्तकाचा संक्षिप्त परिचय :

नारवक्कम हे दक्षिणेतलं, समुद्रकिनाऱ्यावरचं चर्चेस, मंदिर-गोपुरांचं वाऱ्यावर झुलणारं, हिरवंशार छोटंसं गाव. ते नुसतं गावच नाही तर सरवणा आणि व्हिक्टर या बालमित्रांच्या अबोध मैत्रीचा हा आरंभ-रुजवात आहे. चर्चचे ग्रेव्हयार्ड, त्याच्या बाजूच्या उपसागरावरच्या रेल्वेब्रिजवरून दूरवर जाताना दिसणारी गाडी, हा या कथेचा मर्माचा संकेत.

व्हिक्टरच्या मृत्यूने ही कथा अधिकच गहिरी होते आणि पाण्याला स्वत:चा ओघ मिळावा, तशी मुंबईसारख्या अजस्र महानगरात, मदर सिल्व्हियांमधल्या आईपणाच्या उद्भवात जाणतेपणाने मिसळून अथांग होत जाते. कादंबरीचे हे दोन आरंभबिंदू असे जोडले जातात. स्त्रीच्या सृजनाच्या अद्भुत ताकदीचा नि दुसरीकडे माणसाच्या मुळांचा ठाव घेत, अपार करुणेने त्याच्या मनाचाही तळ शोधणारी ही कादंबरी. ही कादंबरी माणूसपणाची बीजं पेरणारा म्हणून धर्म या संकल्पनेचा एक वेगळा अर्थही लावू पाहते.

स्वत:ला कथाकार म्हणून सिद्ध केल्यावर आलेली मोनिका गजेंद्रगडकर यांची ही वेगळ्या वाटेनं जाणारी कादंबरी, त्यांची कादंबरीकार म्हणूनही ओळख दृढ करेल, असा विश्वास व्यक्त करणारी...

-- आशा बगे

मराठी पुस्तके

मराठी पुस्तकांच्या प्रसिद्धीसाठी

उगम

श्री रामाचा जन्म सोहळा

संगीतकार व गायक शंकर महादेवन

विनोदी अभिनेते व निर्माते जसपाल भट्टी

विश्वाची उत्पत्ति सांगणारा सिद्धांत

गुजराती संगीत दिग्दर्शक आणि गायक निनू मजुमदार

मराठी अभिनेता दिग्दर्शक लोकेश गुप्ते

जन्मदाता – पडद्यामागचा कलाकार

विदर्भातील अष्टविनायक

पहिला स्वातंत्र्यदिन !

गल्लीत शिकले – दिल्लीत रमले