नवीन लेखन...

उजडा फकीर अल्ला जाने (सुमंत उवाच – १२४)

उजडा फकीर अल्ला जाने
कौन हैं कौन पेहचाने
कुंवा कितना भरा भितर
अंधेरा इतना कोई ना माने!!

अर्थ

हा व्यक्ती दिसतो तसा नाहीये, त्याच्या कपड्यांवर जाऊ नका, अमुक अमुक ठिकाणी 2 फ्लॅट आहेत याचे, अमुक हिल स्टेशन ला रिसॉर्ट आहे याचं. किंवा याच्या दिसण्यावर जाऊ नका, फिरतो गाडीतून पण देणी इतकी आहेत की कधीही लोकं येऊन मारू शकतात.

अशा प्रकारची माणसं या जगात, आपल्या आजूबाजूला फिरत असतात, कधीकधी आपणही अशा लोकांच्या संपर्कात येतो पण खरं माहीत असूनही आपण कोणास ते सांगायला जात नाही. निदान ते कबूल तरी करत नाही. गोस्सीपिंग च्या नावाखाली दुसऱ्यांची चौकशी आणि चोमडे पणा याला आता कॉर्पोरेट दर्जा मिळाला आहे. पण कोणाचं सत्य किती आहे हे मात्र अजूनही कोणाला ठाऊक नसते.

वेष, भाषा, खाणं, राहणीमान, बोलण्याचा ठेहराव, वैचारिक शुद्धता यावरून माणूस नक्की कोण आहे हे ठरवणे म्हणजे समुद्राच्या तळापाशी जाऊन मोती हुडकून आणण्यासारखे आहे.

सुरतेवर स्वारी करून ती लुटल्यावर, इंग्रज अधिकार्यासमोर जेव्हा महाराज स्वतः आणि त्यांच्या बाजूस बहिर्जी नाईक गेले तेव्हा त्या इंग्रज अधिकाऱ्याने बहिर्जीस पाहून डोळे मोठे केले. त्याचे कारण असे होते की त्याने शंका व्यक्त केली , काही दिवसांपासून आमच्या वखारींच्या बाहेर, ऑफिस बाहेर एक भिकारी बसलेला असायचा. त्याचे कपडे फाटलेले, केस पिंजारलेले असायचे पण, त्याचा चेहरा, त्याचे डोळे मला या बहिरजीं सारखे वाटतायत.
कोण कसं दिसतं यावर त्याचं आयुष्य कसं आहे हे ठरायला लागलं तर तारे तारका अतिशय सुखाचे आणि आनंदाचे जीवन जगतात हा भ्रम खरा ठरेल.

शेवटी कोणाच्या घरात आनंदाची बाव किती भरल्ये हे कळणे कठीणच.

— सुमंत परचुरे.

सुमंत जयंत परचुरे.
About सुमंत जयंत परचुरे. 146 Articles
व्यवसाय- ऋतू फूड्स - विविध प्रकारचे फूड प्रॉडक्ट्स उत्पादन. शिक्षण- हॉटेल मॅनेजमेंट. छंद- गेली 27 वर्षे सहयाद्री मधे भटकंती, 200 हुन किल्ले भटकंती पूर्ण. काव्य लेखन, कथा लेखन, प्रवास वर्णनं लेखन करणे. " Bharpet " नावाने youtube चॅनल.

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

रायगडमधली कलिंगडं

महाराष्ट्रात आणि विशेषतः कोकणामध्ये भात पिकाच्या कापणीनंतर जेथे हमखास पाण्याची ...

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

Loading…

error: या साईटवरील लेख कॉपी-पेस्ट करता येत नाहीत..