नवीन लेखन...

स्वागत नवनिर्माणाचे …..

तुम्हा सगळ्यांना दसऱ्याच्या हार्दिक शुभेच्छा..

सरत्या भाद्रपदाचा हात धरून आश्विन हळूच येतो ….या दिवसातलं मध्येच पडलेलं ठसठशीत पण सोनेरी मृदू ऊन … त्याच्या येण्याची ग्वाही आपल्याला देतं … सृष्टीचे हे दिवस फारच सुंदर असतात …. श्रावण भाद्रपदात पेरलेल्या बीजांनी सुंदर …. भरलेलं रूप घेतलेलं असतं … सृष्टीची ही आनंदात डोलणारी हिरवी समृद्धी नव्या नवरी सारखी सजलेली असते …. आणि आश्विनातली ही सोनेरी कोवळी उन्हं त्या सुंदर समृद्धीवर या उन्हाचा सोनेरी मुलामा देतात …. मग हे हिरवं पिवळं रूप … वाहणाऱ्या वाऱ्याचा हात धरून दिवसभर डोलत असतं …. सृष्टीतली ही पूर्तता … आपल्या मनाला सहज जाणवते … भावते … प्रफुल्लित करते …. आपल्या पूर्वजांनी हा आनंद साजरा करायला सणांची साखळी योजली …. नागपंचमी …. नारळी पौर्णिमा … गौरी गणपती … सृष्टीची ही पूर्तता .. समृद्धी … आपण साजरी करायला लागलो … या आनंदावर कळस चढवला तो घटस्थापनेने …

पूर्वीचं कविमन म्हणतं …. आश्विन शेतातून हळूच उगवतो … उन्हावर तरंगतो … आणि सोन्याने हसतो … नवरात्रात स्थापला जाणारा घट हा भूमीच्या गर्भाशयाचं प्रतीक मानलं … त्या आदिशक्तीच्या रूपात … झेंडूची फुलं … भाताच्या ओंब्या दरवाजाला बांधून सृष्टीतल्या या नवतेचं स्वागत करायला सुरवात केली … आणि हा आनंद एकमेकांना सोनं देऊन लुटायला सुरवात केली … या घटात तीळ .. गहू .. जवस पेरून … उगवलेल्या त्या कोंबांचं हिरवेपण त्या आदिशक्तीला वाहायला सुरवात झाली … संध्याकाळी गावातल्या … वाडीतल्या पोरी फेर धरून … गाणी म्हणत फेर धरायला लागल्या … भोंडला रंगू लागला … नाना प्रकारच्या खिरापती वाटल्या जाऊ लागल्या … आकाश देखील पावसातला काळा … कबरा रंग झुगारून …लाल … पिवळ्या.. शेंदरी रंगाने नटू लागलं .. या आनंदात सामील होऊ लागलं …. म्हणूनच बहुतेक लोक म्हणायला लागले ….. दसरा सण मोठा … नाही आनंदा तोटा ….

– प्रकाश पिटकर

प्रकाश पिटकर
About प्रकाश पिटकर 43 Articles
मी आय.डी.बी.आय. बँकेत गेली ३४ वर्ष नोकरी करतोय. सध्या AGM म्हणून हैदराबाद इथे पोस्टेड आहे. मला ट्रेकिंग, फोटोग्राफी, प्रवास, दूरवरचे स्वतः वाहन चालवत प्रवास, वाचन अशा आवडी आहेत. मी गेली सतरा वर्ष महाराष्ट्र टाइम्सचा फ्री लान्स कॉलमनिस्ट आहे. माझे आता पर्यंत सहज दोन हजाराच्यावर लेख प्रसिद्ध झाले आहेत. मी मुख्यतः ठाण्याचा रहिवासी आहे. प्रवास वर्णन, व्यक्ती-संस्था चित्र, ऐतिहासिक वास्तू, निसर्गातले अनेक विषय.

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

रायगडमधली कलिंगडं

महाराष्ट्रात आणि विशेषतः कोकणामध्ये भात पिकाच्या कापणीनंतर जेथे हमखास पाण्याची ...

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

Loading…

error: या साईटवरील लेख कॉपी-पेस्ट करता येत नाहीत..