नवीन लेखन...

मैत्र पत्रांचे – २

रांगणाऱ्या मुलाला चालायला शिकवणारे आणि चालणाऱ्या मुलाला सावरायला शिकवणारे जे शब्द वा वृत्ती असते तशी काही पत्रे माझ्या संग्रही आहेत.
ती पत्रे जेव्हा येत होती तेव्हा त्या त्यावेळी मला धक्के बसत होते.
अर्थात सुखद धक्के.
कारण मराठी साहित्यातील नामवंत लेखक, समीक्षक, कलाकार आपण होऊन माझे साहित्य वाचतील आणि अभिप्रायार्थ पत्र लिहितील ही मी स्वप्नातही कल्पना केली नव्हती.
पण आज फाईल्स चाळताना काही पत्रे मिळाली आणि पुन्हा एकदा धन्यता वाटली.

अर्थात सर्वांनी केवळ कौतुक केलेले नाही, तर दोष दिग्दर्शन सुद्धा केले आहे. पण ते मला गरजेचे वाटले. पडत झडत उभा राहत असताना, चालत असताना दिशा दाखवणाऱ्या या मान्यवरांनी कळत नकळत लेखन संस्कार केले.ज्यामुळे मी पुढे चालू शकलो. लेखनात सातत्य ठेवू शकलो.
या सगळ्यांची पत्रे देणे जागेअभावी शक्य नाही, पण त्यांचे काही मुद्दे देत आहे…

नामवंत समीक्षक म. द. हातकणंगलेकर
शल्य ही कथा सूचक आणि परिणामकारक आहे. शैली संवेदनक्षम आणि नेमकी आहे. पसरटपणा नसल्याने त्याला टोकदार स्वरूप आले आहे. कथानक वेगळे असल्याने आणि नेटकेपणाचे भान असल्याने कथा मनात घर करते.

नामवंत समीक्षक डॉ. सु.रा. चुनेकर
आपल्या कथा वाचनात असतात. आपण कोकण नव्याने मांडत आहेत, हे लक्षणीय आहे.

पोलीस चातुर्यकथा आणि रहस्यकथा लेखक व. कृ. जोशी
राजाज्ञेची अक्षरे ही सुगंध दीपावली अंकातील कथा चित्तवेधक वाटली. सर्व कथेला अध्यात्माची झालर आहे. मध्यवर्ती व्यक्तिचित्र दादाजी आपण अतिशय संयमाने रेखाटले आहे. वास्तवाधिष्ठित कथा आहे का ?

मधु मंगेश कर्णिक
मधुभाईंनी माझ्या अनेक कथा कादंबऱ्यांवर आवर्जून अभिप्राय पाठवला आहे.
‘ तुमच्या कादंबरी लेखनाबद्दल मला नेहमी औत्सुक्य आणि स्वारस्य वाटत आले आहे. कथालेखनसुद्धा तुम्ही तेवढ्याच ताकदीने पेलू शकता हे अनुभवलं आहे. उत्स्फूर्तता, आविष्कार आणि त्याचा संकलित परिणाम तुम्हाला चांगला जमतो.

ग. प्र. प्रधान
मेनका दिवाळी अंकातील भुईचाफा ही कथा आवडली. चित्तवेधक आणि रोमहर्षक. कोकणची पार्श्वभूमी डोळ्यासमोर उभी राहते.

ज्ञानेश्वरीचे अभ्यासक, शिक्षण तज्ज्ञ प्राचार्य गोपाळराव मयेकर
संगीत घन अमृताचा आणि संगीत शांतिब्रह्म या दोन्हींचे प्रयोग पाहिले. संहिता आवडल्या. संगीत रंगभूमी लुप्त होत असताना नव्या ताज्या दमाने तुम्ही उभे राहत आहात, हे अपूर्वाईचे आहे. आम्हा गोवेकराना संहिता उपलब्ध करून दिल्यास आम्हीही इकडे त्या नाटकांचे प्रयोग करू.

राष्ट्रीय स्वयंसेवक संघाचे मा. शिवरायजी तेलंग
आपली शल्य ही शिक्षकी पेशावरची कादंबरी वाचली.आवडली. आपण रेखाटलेली व्यक्तिचित्रे, निसर्ग डोळ्यासमोर उभे राहतात.

कथालेखिका वैशाली पंडित
मिळून साऱ्याजणी या मासिकातील, तिचे क्षितिज ही कथा वाचली. त्यातली शिवानी मनाच्या तळात थेट उतरलीय. तिच्या वन मॅन आर्मीत दाखल व्हावंसं वाटतंय. वाईट इतकंच वाटतंय की ती या समाजात एकाकी पडतेय. अर्थात हीच तिची नियती आहे. आणि तिच्या जगण्याची मूलाधार अशी प्रेरणा आहे.

एकपात्री कलाकार रंगनाथ कुलकर्णी
लेक टॅपिंग ही सुगंध दिवाळी अंकात कथा वाचली. आवडली, शक्य होईल तेव्हा रसिकांसमोर सादर करणार आहे.

प्रसिद्ध नाटककार सुरेश खरे
रानोमाळ ही कादंबरी मी वाचली. त्यातली सिच्युएशन्स, कॅरॅक्टर्स आणि एकूण डेव्हलपमेंट पाहता रानोमाळ वर एक चांगले व्यावसायिक नाटक होऊ शकेल. आपण विचार करावा, मी नक्की मदत करीन.

सांगलीचे कथा लेखक आणि कवी श्रीरंग विष्णु जोशी, लेखक अनंत तिबिले, प्रभाकर दिघे अशा अनेक नामवंतांनी आवर्जून अभिप्राय लिहिले आहेत. पुण्याच्या सुप्रसिद्ध कवयित्री आरती देवगांवकर यांनी तर माझ्या खडूचे अभंग यावर समाज माध्यमात सतत चर्चा घडवून आणली होती.

अर्थात, संघर्ष नेमका टोकदार नाही, कथा विषय लवकर संपवला, नायिकेला न्याय दिला नाही, कथेचा शेवट परिणामकारक हवा होता…
असा अभिप्राय नोंदवला आहे काहींनी.

पण मी त्याकडे विधायक दृष्टीने पाहिले, त्यामुळे माझे लेखन सुधारले. पाथेय म्हणून मला ते उपयोगी ठरले.

— डॉ. श्रीकृष्ण जोशी, रत्नागिरी
९४२३८७५८०६

डॉ. श्रीकृष्ण जोशी
About डॉ. श्रीकृष्ण जोशी 109 Articles
डॉ.श्रीकृष्ण जोशी यांचे प्रकाशित साहित्य कादंबरी : 1 शेम्बी, 2 घसरण, 3 महाराज, 4 घर दोघांचे, 5 अगतिक, 6 नंतर , 7 शल्य, 8 शापित, 9 तुझ्याशिवाय, 10 काटशह, 11 कातळ, 12 अथांग, 13 मार्शीलन, 14 समांतर, 15 वादळ वेणा, 16 भोवरा, 17 ब्रेकिंग न्यूज, 18 कापूस आणि फॅनची गोष्ट(आगामी), 19 सापशिडी,फासे आणि काही सोंगट्या (आगामी ) दीर्घकथा संग्रह: 1 रानोमाळ, 2 रानवा संगीत नाटक : 1 सं. शांतिब्रह्म, 2 घन अमृताचा, 3 राधामानस, 4 ऎश्वर्यावती, 5 ऋणानुबंध, 6 स्वरयात्री, 7 चोखा मेळा गद्य नाटक: 1 चिनुचं घर, 2 स्वप्नपक्षी, 3 अरे, चल उचल काव्यसंग्रह: 1 खडूचे अभंग, 2 क्रांतिज्वाला ललित लेख: (आगामी) 1 रौद्रलेणी, 2 पडघम, 3 शब्दांच्या पलीकडे कथासंग्रह:(आगामी ) 1 ड्रॉवर, 2 चंद्रखुणा बाल वाङ्मय: 1 अपूर्वा, 2 गोष्टीरूप चाणक्य, 3 सरदार वल्लभभाई पटेल(आगामी ) संपादन : 1 मुद्रा (प्रातिनिधिक कथासंग्रह) 2 व्हिजिट बॅग, 3 पॅनोरमा पारितोषिके: 1 डेथ ऑफ कॉमन सेन्स या नभोनाट्याला अखिल भारतीय आकाशवाणीच्या नभोनाट्य लेखन स्पर्धेत संपूर्ण भारतातून प्रथम क्रमांक, नभोनाट्याचे 14 भारतीय भाषांमध्ये भाषांतर, 2 दिल्ली येथील स्पर्धेत 'सं. घन अमृताचा ' या नाटकाला लेखनाचे प्रथम पारितोषिक 3 सं. ऎश्वर्यावती आणि सं.ऋणानुबंध या नाटकांना अनुक्रमे द्वितीय आणि विशेष पारितोषिक उल्लेखनीय : * पावस येथील स्वामी स्वरूपानंद तीर्थराज विधी आणि स्वामी स्वरूपानंद जन्मसोहळा या सीडींसाठी पटकथा लेखन * सं. घन अमृताचा, सं. शांतिब्रह्म, सं. ऎश्वर्यवती या तीन संगीत नाटकांचे आकाशवाणीच्या महाराष्ट्रातील सर्व केंद्रावरून प्रसारण * क्रांतिसूर्य सावरकर आणि कातळ या मालिकांचे आकाशवाणीवरून प्रत्येकी 13 भागांचे लेखन आणि प्रसारण *आकाशवाणी वरून 20 श्रुतिका प्रसारित * समांतर कादंबरी, नॅशनल असोसिएशन फॉर ब्लाइंड या संस्थेमार्फत अंध बांधवांसाठी कॅसेट च्या माध्यमातून प्रकाशित * अंध बांधवांसाठी , स्वामी स्वरूपानंद यांचे ब्रेल लिपीतील चरित्र लेखन पुरस्कार 1 'शापित ' कादंबरीला कोकण मराठी साहित्य परिषदेचा पुरस्कार 2 'शल्य ' कादंबरीला कुसुमताई अभ्यंकर पुरस्कार 3 'शल्य ' कादंबरीला कै. र.वा.दिघे पुरस्कार 4 'कातळ ' कादंबरीला कै. र.वा.दिघे पुरस्कार 5 अखिल भारतीय मराठी नाट्य परिषद मुंबई यांचा 1998 साठी , स्वरराज छोटा गंधर्व पुरस्कार 6 सं. घन अमृताचा हे नाटक , राज्य नाट्यस्पर्धेत सर्वप्रथम 7 सन 2000 मध्ये सर्वोत्कृष्ट संगीत नाटककार आणि सर्वोत्कृष्ट गीतकार म्हणून नाट्यपरिषदेचा गुणगौरव पुरस्कार 8 सन 2002 मध्ये सं. शांतिब्रह्म हे नाटक राज्य नाट्यस्पर्धेत सर्वप्रथम 9 मुंबई येथील साहित्य संघ मंदिराचा , कै. अ. ना.भालेराव पुरस्कार 10 संगीत नाट्यलेखानासाठी , कै. पु.भ.भावे पुरस्कार 11 समांतर कादंबरीला रोटरी पुणे यांचा सर्वोत्कृष्ट कादंबरी म्हणून पुरस्कार 12 सन 2006 मध्ये राधा मानस , राज्य नाट्य स्पर्धेत राज्यात द्वितीय तर दिल्लीत प्रथम 13 त्रिदल या संगीत नाटकाच्या पुस्तकासाठी 2007-08 चा महाराष्ट्र शासनाचा कुसुमाग्रज पुरस्कार 14 आदर्श शिक्षक पुरस्कार 15 पुणे येथील बाल गंधर्व संगीत मंडळाचा कै. अण्णासाहेब किर्लोस्कर पुरस्कार 16 वुमेन्स फाउंडेशन कोल्हापूर या संस्थेचा साहित्य भूषण पुरस्कार.... हा माझा अल्प असा परिचय ...!!!

Be the first to comment

Leave a Reply

Your email address will not be published.


*


महासिटीज…..ओळख महाराष्ट्राची

रायगडमधली कलिंगडं

महाराष्ट्रात आणि विशेषतः कोकणामध्ये भात पिकाच्या कापणीनंतर जेथे हमखास पाण्याची ...

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

Loading…

error: या साईटवरील लेख कॉपी-पेस्ट करता येत नाहीत..