नवीन लेखन...

खमंग दडपे पोहे करण्याची नाविन्यपूर्ण पद्धत

खमंग दडपे पोहे करण्याची नाविन्यपूर्ण पद्धत:

साहित्य :

दोन वाट्या पातळ पोहे, अर्धी वाटी शेंगदाणे, एक मोठा कांदा, १ मोठी हिरवी मिरची, ७-८ पाने कढीपत्ता, बारीक चिरलेली कोथिंबीर, एक मध्यम आकाराची काकडी, हिंग, जिरेपूड, हिंगपूड, १ मध्यम आकाराचा लाल टोमॅटो, एक मध्यम आकाराचे लिंबू, चाट मसाला अर्धा चहाचा चमचा, फोडणीचे साहित्य, चवीनुसार मीठ. डिश सजवण्याकरता डाळिंबाचे दाणे, शेव इत्यादी

 

कृती:

दोन वाट्या पातळ पोहे चाळून घ्या. कांदा मध्यम आकारात चिरून घ्या, मिरचीचे ३-४ तुकडे करावेत. काकडी किसून घेऊन पिळून घ्यावी. काकडीचे पाणी वापरू नये. टोमॅटो चिरून घ्यावा. लिंबाचा रस काढावा.
फोडणीच्या कढईत दोन चमचे तेल घ्या. तेल गरम झाल्यावर त्यात शेंगदाणे तळून ते वेगळे काढा. राहिलेल्या गरम तेलात कढीपत्त्याची पाने टाकावीत. नंतर मोहरी टाकावी. ती तडतडली की त्यात हिंग व जिरेपूड टाकून एक मिनिट परतुन घ्या. नंतर त्यात मिरची टाकून कांदा परतून घ्या. फोडणी थंड करावयास ठेवा. फोडणीत हळद टाकणे ऐच्छिक आहे.
एका वेगळ्या कढईत पातळ पोहे घ्या. त्यात चिरलेला टोमॅटो, चाट मसाला, लिंबाचा रस, काकडीचा पिळलेला कीस व तळलेले शेंगदाणे टाकून हलक्या हाताने सर्व पदार्थ मिसळून त्यात चवीनुसार मीठ घालावे. त्यावर थंड झालेली फोडणी टाकावी. पुन्हा एकदा सर्व मिश्रण हलक्या हाताने हलवून घ्या व कढई ५-७ मिनिटे झाकून (दडपून) ठेवावे.
नंतर एका डिश मध्ये घेऊन त्यावर बारीक चिरलेली कोथिंबीर डाळिंबाचे दाणे, बारीक शेव इत्यादी आवडीप्रमाणे पेरून डिश सजवू शकता.

ह्या डिशचे वैशिट्य असे की या प्रक्रिये मद्धे कोठेही पाणी वापरले नाही. टोमॅटो, लिंबू व फोडणीच्या ओलाव्यावर पोहे केले आहेत.

टीप :
1. फोडणीचे व पोह्यामध्ये मिसळलेले काकडी, टोमॅटो व लिंबाच्या मिश्रण, या मद्धे जास्ती वेळ घालवू नये.
2. फोडणी गरम असताना पोह्यात मिसळू नये. पोहे आकसून येतात.
3. काकडीच्या किसामुळे या डिशला एक प्रकारचा खमंग पणा येतो व पाणी न वापरल्यामुळे पोहे अखंड राहून गिचका होत नाही.

डॉ. दिलीप केशव कुलकर्णी
About डॉ. दिलीप केशव कुलकर्णी 58 Articles
वनस्पती शास्त्रात शिवाजी विद्यापीठातून १९८० साली पीएच. डी. आंतर राष्ट्रीय कीर्तीच्या राष्ट्रीय रासायनिक प्रयोगशाळा,(NCL) पुणे येथे १९८१ साली रुजू. सुमारे ३२ वर्षे झाडांचे उती संवर्धन या विषयामध्ये सखोल संशोधन. यामध्ये १२ राष्ट्रीय व आंतरराष्ट्रीय जर्नल मध्ये पेपर प्रसिद्ध अति वरिष्ठ वैज्ञानिक म्हणून २०१३ साली निवृत्त. सोशल मीडिया मध्ये वावर. जवळ जवळ पन्नास पॉप्युलर लेख लेख प्रसिद्ध. तसेच इतर विषयावरील वीस लेख प्रसिद्ध. वेंकटेश सुप्रभातम चे दोन खंडात मराठी भाषांतराची पुस्तके प्रकाशित. mob. 9881204904

3 Comments on खमंग दडपे पोहे करण्याची नाविन्यपूर्ण पद्धत

  1. ह्या पध्दतीने एकदा दडपे पोहे करुन पाहीन . नक्की टेस्टी लागतील.

Leave a Reply to Vijaykumar Ganesh Kulkarni Cancel reply

Your email address will not be published.


*


महासिटीज…..ओळख महाराष्ट्राची

रायगडमधली कलिंगडं

महाराष्ट्रात आणि विशेषतः कोकणामध्ये भात पिकाच्या कापणीनंतर जेथे हमखास पाण्याची ...

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

Loading…

error: या साईटवरील लेख कॉपी-पेस्ट करता येत नाहीत..