नवीन लेखन...

करंज

ह्याचा मध्यम आकाराचा ८-१६ मी उंचीचा वृक्ष आहे.ह्याची पाने २०-४२ सेंमी लांब असतात तर पत्रके ५-१० सेंमी लांब असून हि ५-७ पत्रके असतात.फुले निळसर पांढरी असून प्रत्येक फळात अंडाकार किंवा वृक्काकार बी असते.हि बी १.७-२ सेंमी लांब व १.२-१.८ सेंमी रूंद असते.ह्यात तांबुस रंगाची तैलयुक्त बीज असते.

करंजाचे उपयुक्तांग आहे त्वचा,पाने,बीज.करंज चवीला कडू,तिखट असून उष्ण गुणाचा व हल्का व तीक्ष्ण आहे.करंज कफवातनाशक व पित्तकर आहे.

चला आता आपण ह्याचे उपयोग जाणून घेऊयात:

१)करंजाचे तेल त्वचारोगात व व्रणात लावायला उपयुक्त आहे.

२)तोंड स्वच्छ करायला करंजाच्या काड्या दात घासायला वापरतात ह्याने दातांची मुळे बळकट होतात.

३)करंजाच्या बियांपासून काढलेले तेल कृमिनाशक आहे.

४)डांग्या खोकल्यामध्ये करंजाचे बी पाण्यात उगाळून देतात.

५)करंजाचा लेप खाज,खरूज,गजकर्ण व अन्य त्वचा रोगात उपयुक्त आहे.

६)सुज आलेल्या भागावर करंजाच्या पानांची चटणी बांधतात.

(सुचना: ह्या लेखातील वनस्पती वैद्यांचा सल्ला घेऊनच वापरावे )

(कृपया फोटो चुकला असल्यास सांगावे हि विनंती)

वैद्य(सौ)स्वाती हेमंत अणवेकर
आरोग्य आयुर्वेदीक क्लिनीक,
म्हापसा गोवा.
संपर्क:९९६०६९९७०४

वैद्य (सौ) स्वाती हेमंत अणवेकर
About वैद्य (सौ) स्वाती हेमंत अणवेकर 202 Articles
वैद्य (सौ) स्वाती हेमंत अणवेकर गेली १० वर्षे गोव्यामध्ये म्हापसा शहरात आरोग्य आयुर्वेदीक क्लिनीकच्या माध्यमातून पंचकर्म, आहार मार्गदर्शन, सुवर्णप्राशन असे उपक्रम राबवीत आहेत. लेखनाची आवड असल्याने त्या विविध स्थानिक वृत्तपत्रातून आयुर्वेद व सामाजिक समस्यांशी निगडीत लेखन त्या करतात तसेच आरोग्यसंबंधित विषयांवर शाळा, कॉलेज इ मध्ये व्याख्यान देतात. आहार या विषयात जास्त रूची असल्याने व त्यावर अभ्यास आणि वाचन असल्याने त्यांनी आपला किचन क्लिनीक या सदराद्वारे ऑनलाईन लिखाण सुरु केले आहे. त्या आरोग्य भारती व जायंट्स ग्रूपच्या सदस्य देखील आहेत. आयुर्वेद शास्त्राचा जमेल तेवढा अभ्यास करून त्याचा प्रचार व प्रसार करण्याची त्यांची मनीषा आहे.
Contact: Website

3 Comments on करंज

  1. मला करंज लागवड करण्याची इच्छा आहे कृपया लागवड व विक्री बाबत मागॆदशॆन करावे

  2. Ashwini:
    *शेतकऱ्यांचा AC म्हणजे करंजीचे झाड*
    सध्या शहरी भागाबरोबर खेड्यातही उष्णतेमुळे लोक हैराण होत आहेत. पुर्वी असं नव्हतं. कारण खेड्यात नळ्यांच्या खापऱ्या आणि गवताच्या झोपडया होत्या . आता स्लँब आणि पत्रे आले. मे महिन्यात शेतीची कामे .ग्रीष्मात बहुधा झाडांना बहर येतो. शेतकरी फळांनी लहडलेल्या झाडाखाली कधीच विश्रांती घेत नाही. अशावेळी त्याचा एकच आधार *करंज*
    करंजीची पान गळती मार्चमध्ये होते. अखंड झाड पर्णहीन होतं. झाडाखाली वाळक्या पानांचा ढीग पडतो. नवख्या बघणाऱ्याला वाटतं संपलं हे झाड. आणि उष्णता वाढायला लागते,तसा *करंज* सुवासिनी सारखा दाट हिरव्या पानांनी नटून उष्णतेला अंगावर झेलतो. पानं किती ! वर आभाळ दिसणार नाही इतकी गच्च. आणि सावली! नितळ गार अंगचा गारवा असलेली . वारं असो अगर नसो याच्या सावलीत उष्णतेच्या झळा अलगत शोषून घेण्याची क्षमता . मग मिळते समाधाची विश्रांती. म्हणून हा शेतकऱ्यांचा AC . या झाडाचा पाला वेगानं कुजतो. फुलांचा सडा पडून माती भुसभुशीत होते. फुलातील मध अंगातील उष्णता कमी करतो. बीयांच्या तेलापासून खरुज, नायटा, गजकर्ण यासारखे बूरशीजन्य रोग नष्ट होतात, घरातील लाकडाला पोखरकिडा लागला तर याचेच तेल वापरतात. पायात रात्रीची आग (भगभग )होत असेल तर पानांचा लेप तळपायावर लावतात.यासारखे अनेक औषधी उपयोग या झाडाचे . विशेष म्हणजे हे झाड जळावू लाकडांसाठी तोडले जात नाही. त्याचे कारण दुसऱ्याची *किड* संपवणारे हे झाड स्वतः तोडल्या आठ दहा दिवसात किडून नष्ट होते. कमी पाण्यामध्ये जगणारे ,गारवा देणारे , निसर्ग वाढविणारे, औषधी गुणधर्म असलेले, देशी झाड निसर्ग प्रेमींनी लावायलाच हवे. याच्या बीया खुप मिळतात. किंवा जंगलात फिरण्यास गेल्यास बहुधा ओढ्याकाठी त्या मिळतात. त्याचा आकार दिवाळीतल्या फराळातील करंजी सारखा.निसर्ग नाती वाढविण्यासाठी त्याचे वाटप करुया . जंगल वाढविण्यासाठी हातभार लावूया.
    मित्रांनो माहिती आवडली तरच पुढे शेअर करुया. जंगल जागृती वाढवुया .अरण्य साक्षरता वाढवूया..
    हि माहीती खरी आहे का?

Leave a Reply to Arun Sasnik Cancel reply

Your email address will not be published.


*


महासिटीज…..ओळख महाराष्ट्राची

रायगडमधली कलिंगडं

महाराष्ट्रात आणि विशेषतः कोकणामध्ये भात पिकाच्या कापणीनंतर जेथे हमखास पाण्याची ...

मलंगगड

ठाणे जिल्ह्यात कल्याण पासून 16 किलोमीटर अंतरावर असणारा श्री मलंग ...

टिटवाळ्याचा महागणपती

मुंबईतील सिद्धिविनायक अप्पा महाराष्ट्रातील अष्टविनायकांप्रमाणेच ठाणे जिल्ह्यातील येथील महागणपती ची ...

येऊर

मुंबई-ठाण्यासारख्या मोठ्या शहरालगत बोरीवली सेम एवढे मोठे जंगल हे जगातील ...

Loading…

error: या साईटवरील लेख कॉपी-पेस्ट करता येत नाहीत..